Kalaallit Nunaata kitaani Qeqertarsuup qeqertartaani kiisalu Nuussuup qeqertaasaani ikummatissiassanik misissuinernik suliaqarnissanut qalluinissamullu piviusunngortitsinermi avatangiisinut sunniutaasussanik nalilersuinerup tusarniaassutigineqarnera

Aatsitassanik Suliassaqarfinnut Avatangiisinut Aqutsisoqarfiup matumuuna uunga missingiut Kalaallit Nunaata kitaani Qeqertarsuup qeqertartaani kiisalu Nuussuup qeqertaasaani ikummatissiassanik misissuilluni suliaqarnissanut qalluinissamullu piviusunngortitsinermi avatangiisinut sunniutaasussanik nalilersuineq, tamanut ammasumik tusarniaassutigalugu saqqummiuppaa.

Tusarniaanermut akissuteqaatit tiguneqartut tunngavigalugit ”Kitaani Qeqertarsuup qeqertartaani kiisalu Nuussuup qeqertaasartaani kulbrintinik (uuliamik gassimillu) ujarlernissamut atuinissamullu suliniuteqarnissamut avatangiisinik naliliineq” suliaraa. 

” Kitaani Qeqertarsuup qeqertartaani kiisalu Nuussuup qeqertaasartaani kulbrintinik (uuliamik gassimillu) ujarlernissamut atuinissamullu suliniuteqarnissamut avatangiisinik naliliineq” uani aaneqarsinnaavoq.

Nassuiaat

Nationalt Center for Miljø og Energi (DCE) aamma Pinngortitaleriffik (GN) Piviusunngortitsinermi avatangiisinut sunniutaasussanik nalilersuinermik (SMV) suliaqarput. Tassani ingerlatassanut Kalaallit Nunaata kitaani Qeqertarsuup qeqertaani kiisalu Nuussuup qeqertaasaani ikummatissiassanik misissuinermut, ineriartortitsinermut tunisassiornermullu tunngassuteqartunut SMV pineqarpoq.

 

Siunertaasoq

SMV Aatsitassanik Suliassaqarfinnut Avatangiisinut Aqutsisoqarfiup suliakkiineratigut DCE-mit aamma GN-imit suliarineqarpoq. SMV suliarineqarpoq pissutigalugu ikummatissiassanik misissuinissamut Qeqertarsuup qeqertaani kiisalu Nuussuup qeqertaasaani nunami sumiiffinnik ammaanissamik Naalakkersuisut pilersaaruteqarmata. Pisinnaatitsissuteqarfissat blokkit pingasut neqeroortitsivigineqassasut pilersaarutigineqarpoq.

SMV pingaarnernik pingasunik atuuffissaqarpoq:

  1. Sumiiffinni ingerlatassat pillugit politikkikkut aalajangiinermut tunngavissanut ilaassaaq
  2. Ilisimasat pigineqanngitsut ingerlatassaalertartussanut maleruagassiinernik aalajangersaanermut atorneqartussat tassani paasinarsisinneqassapput
  3. Ingerlatseqatigiiffinnut ikummatissiassanik misissuinissamut qalluinissamullu akuersissummik pissarsisimasinnaasunut, taakkua ingerlatassaminnut immikkuullarissunut avatangiisinut sunniutaasussanik nalilersuinermik suliaqartussanngoraangata, innersuussivittut allakkiatut atorneqassaaq

SMV-imi avatangiisit tigussaasut aamma uumassusillit nassuiarneqarput, ilanngullugit sumiiffiit illersugaasut, uumasut nungutaaqqajaasut, uumassusilinnik pisuussutinik atuineq kiisalu pissutsit allat. Maannakkut pissutsit nassuiarneqarnerat taanna tunngavigalugu, ikummatissiassarsiorluni ingerlatassat sunniutigisinnaasaat nalilersorneqarput.

 

Tusarniaanermut piffissamut killiliussaq

Siunnersuummut oqaaseqaatit Aatsitassanik Suliassaqarfinnut Avatangiisinut Aqutsisoqarfimmut nassiunneqaqquneqarput e-mailadresse eamra@nanoq.gl kingusinnerpaamik ulloq 05 august 2016 nal. 16.00

 

Tusarniaanermut akissuteqaat nassiunneqassaaq uunga

eamra@nanoq.gl

 

Tusarniaanermut najoqqutassat

Nalunaarusiaq tuluttuujuvoq kisianni kalaallisut aamma danskisut imartuumik naalisaanermik imaqarluni

 

Tusarniaanermut akissuteqaatit