Kalaallit Nunaata kitaata avannaani Baffin Bugtimi uuliamik gassimillu (kulbrintinik) ujarlernissamut atuinissamullu atatillugu suliniuteqarnermi avatangiisinik naliliineq

Aatsitassarsiornermi Avatangiisinut Aqutsisoqarfiup matumuuna Kalaallit Nunaata kitaata avannaani Baffin Bugtimi uuliamik gassimillu (kulbrintinik) ujarlernissamut atuinissamullu atatillugu suliniuteqarnermi avatangiisinik naliliinermut missingiut tamanut ammasumik tusarniaassutigalugu saqqummiuppaa.

Nas­su­i­aat

Aat­si­tas­sar­si­or­ner­mi su­li­ni­u­te­qar­nis­saq 2014-2018-i­mut a­ta­til­lu­gu Naa­lak­ker­su­i­sut 2017-i­mi Baf­fin Bugtip Ka­laal­lit Nu­naan­nut a­ta­sor­taa uu­li­a­mik u­jar­ler­nis­sa­mut am­maan­ni­ar­lu­gu a­ku­e­raat. Baf­fin Bugti­mut ne­qe­roo­ru­te­qar­tit­si­neq ki­ngul­leq 2011-mi i­nger­lan­ne­qar­poq.

Taa­maat­tu­mik Na­ti­o­nalt Center for Miljø og E­ner­gi-p (DCE) aam­ma Pin­ngor­ti­ta­le­rif­fi­up (GN) Aat­si­tas­sar­si­or­ner­mi A­va­ta­ngii­si­nut A­qut­si­so­qar­fik sin­ner­lu­gu Baf­fin Bugti­mi su­li­ni­u­te­qar­ner­mi a­va­ta­ngii­si­nik na­li­lii­neq, 2011-mi saq­qum­mer­sin­ne­qar­toq nu­tar­ter­paat.

Su­li­ni­u­te­qar­ner­mi a­va­ta­ngii­si­nik na­li­lii­ner­mi pi­ngaar­ner­tut a­va­ta­ngii­si­ni pin­ngor­ti­ta­mi­lu pis­sut­sit, su­miif­fim­mi uu­li­a­mik gas­si­mil­lu u­jar­ler­ner­mut a­ta­til­lu­gu eq­qar­saa­ti­gi­ne­qar­tus­sa­tut pi­ngaa­ru­te­qar­tut al­laa­se­ri­ne­qar­tus­saap­put.

Taa­maat­tu­mik su­li­ni­u­te­qar­ner­mi a­va­ta­ngii­si­nik na­li­lii­ner­mi su­miif­fin­ni uu­ma­sul­lu a­va­ta­ngii­saat, su­miif­fiit il­ler­sor­ne­qar­tut, uu­ma­sut u­lo­ri­a­nar­tor­si­or­tut, su­miif­fim­mi a­kuu­tis­sat mi­ngut­sitsi­sut an­ner­tus­su­saat ta­mar­mi­u­soq, i­su­mal­luu­ti­nik uu­mas­su­si­lin­nik a­tu­i­neq pis­sut­sil­lu al­lar­pas­su­it al­laa­se­ri­ne­qar­put.

I­maa pil­lu­gu a­peq­qu­tis­sa­qa­ru­it, Aat­si­tas­sar­si­or­ner­mi A­va­ta­ngii­si­nut A­qut­si­so­qar­fim­mut eamra@nanoq.gl aqqutigalugu toqqaannartumik allassinnaavutit.

Tusarniaanermi piffissaliussaq

Siunnersuummut oqaaseqaatit kingusinnerpaamik 20. december 2016imi nal. 16.00 email adresse eamra@nanoq.gl aqqutigalugu Avatangiisinut Aqutsisoqarfimmut nassiunneqassapput.

Tusarniaanermi akissuteqaatit uunga nassiunneqassapput

Aatsitassarsiornermi Avatangiisinut Aqutsisoqarfik, eamra@nanoq.gl

Tusarniaanermi atortut

Suliniuteqarnermi avatangiisinik naliliineq tuluttut allataavoq, aammalu kalaallisut danskisullu imaqarniliamik annertuumik imaqarluni


 

 

Sammisaq:

Avatangiisit

Tusarniaanerup suunera:

Avatangiisinik nalilersuinerit

Siunertaq:

Siunertaq

Suliniuteqarnermi avatangiisinik naliliineq pingaarnernik pingasunik atuuffeqarpoq. Taakku tassaapput:
1. sumiiffik pillugu aalajangiisartut ilisimasaannut tunngavissiuninissaq
2.suliat torernerusumik maleruagassiuunneqarnissaat anguniarlugu sukkut ilisimasassanik amerlanerusunik pisariaqartitsisoqarneranik takutitsinissaq, aamma
3. ingerlatseqatigiiffiit sumiiffimmi suliniartut, pingaartumik "avatangiisinut sunniutissanik naliliineq"-mik (ASN) suliaqarnerminni ilisimasaannut tunngavissiuinissaq.

Saqqummiunneqarfia:

22 novembari 13:27:00

Tusarniaanermi piffissaliussaq:

20 decembari 16:00:00

Tusarniaanermi akissutit uunga nassiuteqquneqarput:

eamra@nanoq.gl