Perorsaanikkut inerikkiartuutaasunik meeqqanut atuartunut neqeroorutit pillugit Inatsisartut inatsisaattut siunnersuut pillugu tusarniaaneq

Ilanngullugu nassiunneqarpoq tusarniaassutigalugu perorsaanikkut inerikkiartuutaasunik meeqqanut atuartunut neqeroorutit pillugit Inatsisartut inatsisissaattut siunnersuut.

Siunnersuut suliaavoq kommunit oqaloqatigineqarneri tunuliaqutaralugu, perorsaanikkut inerikkiartuutaasunik meeqqanut atuartunut neqeroorutit pillugit apeqqutit aaqqissuunneqarnissaat pillugu, taakkua ullumikkut malittarisassat assigiinngitsunut tunngavigalugit aqunneqarmata. 

Siunnersuummi siunertaasoq pingaarneq tassaavoq inatsisiliorneq ullutsinnut naleqqunnerusunngorlugu katersorneqassammat, aaqqissuussaanikkut aamma imarisamigut kommunini aaqqissuussinernut aamma misilittakkanut naapertuuttumik. Siunnersuullu tamatumunnga atatillugu siunnerfeqarpoq ersarissumik aalajangersaanissamik akisussaaffiit aamma neqeroorutinut atatillugu aalajangersakkat aaqqissuussaanerit eqqarsaatigalugu, qularnaarumallugu neqeroorutit ataqatigiinneri kiisalu imminnut ataqatigiissaagaaneri. 

Siunnersuummilu aamma ersippoq neqeroorutit pineqartut kommunit suliassarigaat, aammalu kommunalbestyrelsit akisussaaffigigaat kommunini perorsaanikkut inerikkiartuutaasunik neqeroorutit, soorluttaaq kommunalbestyrelsit aalajangersartaraat anguniakkat aamma killiliussat ingerlatsinernut neqeroorutinullu atatillugu.

Kommunillu oqaloqatigineqarneri ilutigisaanik kinguneqarsimavoq siunnersuummik suliaqarnermik, aallaaveqartumik neqeroorutinik marlunnik suliaqartoqarsinnaaneranut, perorsaanikkut inerikkiartuutaasunik paarsisarnerni neqeroorutinik, akiliuteqartitsisarluni ingerlanneqarsinnaasunik, aamma perorsaanikkut neqeroorutinik allanik akiliuteqarfigineqartussaanngitsunik. 

Siunnersuummullu ersarinnerusumik tunuliaqutaasut pillugit, taassumalu siunertai aamma imarisai pillugit innersuunneqassapput siunnersuummut oqaaseqaatit siunnersuummut ilanngullugit nassiunneqartut.

Oqaaseqaataajumasinnaasut Ilinniartitaanermut, Kultureqarnermut, Ilisimatusarnermit Ilageeqarnermullu Naalakkersuisoqarfimmut nassiuteqquneqarput, tiguneqarsinnaanngorlugit kingusinnerpaamik ulloq 24. januar 2017. Oqaaseqaatit nassiuteqquneqarput Naalakkersuisoqarfiup pisortatigoortumik mail adressianut: ikiin@nanoq.gl, imaluunniit Naalakkersuisoqarfik allakkanut adressianut uunga: 

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, Postbox 1029, 3900 Nuuk.

Inussiarnersumik inuulluaqqusilluta

Med venlig hilsen

Marcus Dalro
Inatsisilerinermut immikkut siunnersorti / Juridisk specialkonsulent

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik / Departementet for Uddannelse, Kultur, Forskning og Kirke

 

Sammisaq:

Ilinniartitaanermut Ilisimatusarnermullu

Tusarniaanerup suunera:

Inatsisartut inatsisaat

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

22 decembari 13:30:00

Tusarniaanermi piffissaliussaq:

24 januari 00:00:00

Tusarniaanermi akissutit uunga nassiuteqquneqarput:

ikiin@nanoq.gl