Pineqarpoq: Inatsisartut isumaginnittoqarfiup aqunneqarnera aaqqissuussaaneralu pillugit allannguutissai pillugit inatsisartut inatsisissaattut siunnersuutip tusarniaassutigineqarnera

Matumuuna Ilaqutariinnermut, Naligiissitaanermut Isumaginninnermullu Naalakker-suisoqarfiup Inatsisartut isumaginnittoqarfiup aqunneqarnera aaqqissuussaaneratalu pillugit allannguutissai pillugit Inatsisartut inatsisissaattut siunnersuut nr. xx, ulloq xx.xx.2016-meersoq tusarniaassutigalugu nassiuppaa.

Siunnersuut pillugu:

Taamatut Isumaginninnermut Naalakkersuisoqarfimmiit isumaginnittoqarfiup aqunneqarnerata aaqqissuussaaneranullu peqqussutip allanngortinneqarnissaanut siunnersuuteqartoqarneranut tunuliaqutaavoq, Naalakkersuisoqarfiup nakkutilliiartortitsisarsimanerini meeqqanik inuusuttuaqqanillu sumiginnarneqarsimasunut tunngatillugu maluginianngitsoorsimasinnaanngimmagu kommunip ingerlatsinermini nalunaartussaanermut ikiorsiisariaqarnermullu tunngassuteqartussaagaluartut annertunerusumik iliuuseqarfiginagit uninngatiinnarneqartarsimasut, taamaattumillu pissutsit tamakku pisortat annertuumik sumiginnaasimanerattut naliliiffigineqartariaqartut. Ilanngullugu Meeqqat Illersuisuata 2015-ip ukiaanerani Qaasuitsup Kommuniani angalasimanerminut tunngatillugu eqqartorsimavai meeqqat inuusuttuaqqallu sumiginnarneqarsimanertik pissutigalugu ernumanarluinnartumik inissisimanerarlugit. Pissutsit tamakku toqqammavigalugit Ilaqutariinnermut, Naligiissitaanermut Isumaginninnermullu Naalakkersuisoqarfiup akerlilersinnaanngilaa, ilumut kommunini allani taamatut pissuseqartumik pissutsit inissisimasinnaasarnerat.

Isumagiunnittoqarfiup aqunneqarnerata aaqqissuussaaneranillu Inatsisartut peqqussutaat nr. 11, 12. november 2001-meersoq naapertorlugu, Naalakkersuisut pisinnaatinneqanngillat kommunit isumaginninnikkut soorlu meeqqanik, inuusuttuaqqanik innuttaasunillu annertuumik sumiginnaasimatillugit oqartussaaffiannik tamakkiisumik ilaannakortumilluunniit arsaarinnikkallarsinnaanissamut.

Periarfissiissutigiumallugu Naalakkersuisut naliliisimanertik toqqammavigalugu kommuninut ataasiakkaat meeqqanut inuusuttuaqqanillu ajornartorsiuteqartunik ingerlatsinerminnut tunngatillugu pisussaaffimminnik naammassinninnissamut ajornartorsiuteqarsimappata akulerunnissamut, tamanna toqqammavigalugu Ilaqutariinnermut, Naligiissitaanermut Isumaginninnermullu Naalakkersuisoqarfiup suliarisimavai Inatsisartut Isumaginnittoqarfiup aqunneqarnerata aaqqissuussaaneranillu peqqussutip allannguuteqarnissaanut siunnersuusiorsimavoq.

Allannguutissatut siunnersuuteqarnikkut aqqutissiuuniarneqarpoq, Naalakkersuisut pisinnaatitaaffilerneqassasut kommunit meeqqanut, inuusuttuaqqanullu innuttaasullu allat pisinnaatitaaffii eqqarsaatigalugit annertuumik sumiginnaasimassappata, piffissami aggersumi isumaginninnikkut oqartussaaffimmik tamakkiisumik ilaannakortumilluunniit arsaarinnissuteqarfigissallugit. 

Allaatigiuk:

Matumuuna Ilaqutariinnermut, Naligiissitaanermut Isumaginninnermullu Naalakker-suisoqarfiup Inatsisartut isumaginnittoqarfiup aqunneqarnera aaqqissuussaaneratalu pillugit allannguutissai pillugit Inatsisartut inatsisissaattut siunnersuut nr. xx, ulloq xx.xx.2016-meersoq tusarniaassutigalugu nassiuppaa.

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Naalakkersuisoqarfik:

Isumaginninnermut, Inatsisinillu Atuutsitsinermut Naalakkersuisoqarfik

Siunertaq:

Pineqarpoq: Inatsisartut isumaginnittoqarfiup aqunneqarnera aaqqissuussaaneralu pillugit allannguutissai pillugit inatsisartut inatsisissaattut siunnersuutip tusarniaassutigineqarnera

Saqqummiunneqarfia:

19 januari 11:15:00

Tusarniaanermi piffissaliussaq:

19 februari 23:30:00

Tusarniaanermi akissutit uunga nassiuteqquneqarput:

inin@nanoq.gl