Siunnersuut pillugu tusarniaaneq: Namminersorlutik Oqartussat Nunatsinni Nakorsaaneqarfiup sulinera pillugu nalunaarutaat

Matumuuna Nunatsinni Nakorsaaneqarfiup sulinera pillugu nalunaarutissatut siunnersuut tusarniaassutaasumik nassiunneqarpoq, siunnersuut aamma tusarniaanerup nalaani ”Tusarniaanerit” iluanni takuneqarsinnaavoq.

Ilisimatitsissut 1. januar 2017-imi atuutilersussatut pilersaarutaavoq.

Tusarniaanermut piffissaritaasoq:

Tusarniaanermut akissutit kingusinnerpaamik pingasunngornermi 23. november 2016 uunga nassiunneqassapput allakkasuarfimmut pn@nanoq.gl-mut imaluunniit allakkatigut  uunga nassiunneqassaaq:

Tusarniaaneq pillugu:
Nunatsinni Nakorsaaneqarfiup sulinera pillugu nutaamik nalunaarusiassatut  siunnersuummut peqqutaapput ersarinnerusunik ullutsinnullu naleqqunnerusunik maleruagassaqarnissaq pisariaqalersimanera.

Nalunaarummut maanna atuuttumut naleqqiullugu pisinnaatitsissutit Inatsisartut Inatsisaanni nr. 27-mi 18. novembarimeersumi § 9-miipput, Peqqinnissaqarfiup aqunneqarnera, aaqqissuusaanera ilanngullugillu peqqissuseq pillugu suliaqartunik aammalu tarnip pissusaanik ilinniarsimasunik, Nunallu Nakorsaanerata inunnik pisortaqarfitsigoortumik nammineerluniluunniit nakkutilliisinnaaneranut pisinnaatitsissut, pineqarputtaaq tarnit pissusaannik ilisimasallit.

Nunatsinni Nakorsaaneqarfik piumasaqaatinik naammassinnissinnaanngimmat, ilanngullugit immikkut ittunik ilisimasalinnik ikiorteqartarnissaq, inuit tarninginik ilisimasallit pillugit naammagittaalliortoqartillugu suliaqartussanik ikiorteqartarnissaq, taakkualu suliaannik nakkutiginninnermi immikkut ilisimasalinnik Nunap Nakorsaaneqarfiata ikiorteqartarsinnaaneranut pisinnaatitsineq periarfissinneqassaaq.

Siunnersuummi amerlanerusutigut nalunaarutip maanna atuuttumi Nunatsinni Nakorsaaneqarfiup suliassaanut tunngassuteqartut nangeqqinneqarput, taassumalu iluani innuttaasut peqqissutsikkut inissisimanerinik nakkutilliineq aammalu Nunap Nakorsaanerata Peqqissutsimut Naalakkersuisumut siunnersuisuunissaa ilanngullugu.Taakkua saniatigut ilisimatitsissutip Nunap Nakorsaanerata atorfillit atorfeqarfiillu peqqissutsimik suliaqartut nakkutigineqarnerat pisussaaffittut suliassaraa aammalu atugassarititaasut pillugit aalajangiisinnaatitaalluni.


Inussiarnersumik inuulluaqqusillunga
 
Dan Hjortsø (Peqqissutsimut Naalakkersuisoqarfik)
dahj@nanoq.gl

Sammisaq:

Peqqinnissaq

Tusarniaanerup suunera:

Nalunaarut

Naalakkersuisoqarfik:

Peqqissutsimut Naalakkersuisoqarfik

Saqqummiunneqarfia:

19 oktobari 15:07:00

Tusarniaanermi piffissaliussaq:

23 novembari 00:00:00

Tusarniaanermi akissutit uunga nassiuteqquneqarput:

pn@nanoq.gl