Tusarniaaneq - Sullivimmi avatangiisit pillugit Inatsisartut inatsisaannut siunnersuut

Naalakkersuisut nunami sullivinni avatangiisinut suliassaqarfiup akisussaaffigilerlugu tiguneqarnissaa pillugu aalajangiiffigisassatut siunnersuummik saqqummiussiniarput.



Aalajangiiffigisassatut siunnersuummut nangissutigalugu, sullivinni avatangiisinut suliassaqarfiup maleruagassaqartinneqarnissaa siunertaralugu, sullivinni avatangiisit pillugit Inatsisartut inatsisaannut siunnersuut manna saqqummiunneqarpoq.

Sullivinni avatangiisinut suliassaqarfimmi sullivinni avatangiisinik isumannaatsunik peqqinnartunillu, sukulluunniit inuiaqatigiinni teknikkikkut inooqatigiinnikkullu ineriartornermut naapertuuttumik, pilersitsinissaq sammineqarpoq. Suliassaqarfiit ataanniippoq aamma suliffeqarnermi kattuffinnit ilitsersorneqarlutik aamma Sullivinnik Nakkutilliisoqarfimmit nakkutigineqarlutik suliffeqarfiit namminneerlutik isumannaallisaanermut peqqinnissamullu apeqqutinik iluarsiisinnaanissaannut tunngavissaqartitsinissaq.

 

Siunertaavoq pitsaaliuinermik suliniuteqarnerni aamma maleruagassiinermi timikkut eqqarsartaatsikkullu peqqissutsip isumannaarnissaa.

 

Sullivinni avatangiisit pillugit Inatsisartut inatsisaat siunnersuutigineqartoq inatsisaavoq sinaakkusiisoq aamma piginnaatitsisoq, tassani aalajangersakkat assersuutigalugu isumannaallisaanermut peqqinnissamullu najoqqutassatigut piumasaqaatinut tunngatillugu, pilersuisut, sanatitsisut, suliaqarnerup ingerlanneqarnera, sulliviup aaqqissugaanera, teknikkikkut atortorissaarutit, akuutissat atortussallu aamma navianartunik suliaqarnermi ukiussarititaasut minnerpaaffissaat pillugit isumannaatsuutitsinissamut aalajangersakkat ataatsimut isigalugu allassimallutik.

 

Inatsisartut inatsisaanni isumannaallisaanermik suliaqarnerup aaqqissuussaanera, sullivinni avatangiisinut ilinniartitaaneq, sullivimmi nalilersuineq, sulisitsisup pisussaaffii, inuusuttut sulinerat, ullormut sapaatillu akunneranut piffissaq qasuersaarfiusussaq pillugu maleruagassat minnerpaaffissaat aamma nakorsamut misissortittarnerit pillugit killissaliussanut aalajangersakkat aalajangersarneqarput. Sullivinnik Nakkutilliisoqarfiup suliassai piginnaatitaanerilu pillugit aamma Sullivinni avatangiisinut suliassaqarfik, aallartitanik Naalakkersuisunit kiisalu sulisartut sulisitsisullu kattuffiinit toqqarneqartunik ilaasortaqartoq, pillugu maleruagassat aalajangersarneqarput.

 

Allaatigiuk:

Uunga siunneersuut- Sullivimmi avatangiisit pillugit Inatsisartut inatsisaannut siunnersuut oqaaseqaatillu ilanngunneqarput





Sammisaq:

Suliffeqarneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Siunertaq:

Tusarniaanermi akissutaasussat Naalakkersuisoqarfimmut kingusinnerpaamik tallimanngorneq 27. januar 2017 nassiuteqquneqarput.



Oqaaseqaatit ISIIN@nanoq aamma jebj@nanoq.gl-mut nassiuteqquneqarput.

Saqqummiunneqarfia:

27 decembari 04:00:00

Tusarniaanermi piffissaliussaq:

27 januari 04:00:00