Avatangiisinut Sunniutinik Naliliineq (ASN) Qorlortorsuarmi erngup nukinganik innaallagissiorfiup allineqarnissaanut atatillugu

Avatangiisinut Sunniutinik Naliliineq (ASN) pillugu nalunaarusiap, Qorlortorsuarmi erngup nukinganik innaallagissiorfiup allineqarnissaanut atatillugu suliarineqartup tamanut ammasumik tusarniaassutigineqarnera.

Nalunaarusiat teknikkimut tunngasut allat, tusarniaanermut najoqqutassanut ilaatinneqanngitsut Nukissiorfiit nittartagaanni nassaarineqarsinnaapput, uani: http://www.nukissiorfiit.gl/.

Nukissiorfiit sanatitsisutut piumasaqaatit, sanaartukkat ilaasa avatangiisinut sunniutaannik naliliisarneq aamma avatangiisinut akiliisarneq pillugu Namminersorlutik Oqartussat nalunaarusiaanni nr. 5-imi, 27. marts 2013-imeersumi § 9 naapertorlugu aalajangersarneqarsimasut tunngavigalugit Qaqortumi Narsamilu innuttaasunik ataatsimiititsissaaq. Nukissiorfinnit ataatsimiititsinissamut piffissaq najukkami tusagassiorfiit aqqutigalugit nalunaarutigineqassaaq.

Nassuiaat

Qorlortorsuarmi erngup nukinganik innaallagissiorfiup ullumikkut Qaqortoq aamma Narsaq innaallagissamik pilersugaraa, taannalu aamma ilaatigut kiassarnermik tunisassiornermut atorneqarpoq. Imeq erngup nukinganik innaallagissiorfimmut kuuttoq killeqarmat, innaallagissiorfik nukissiamik ullumikkut illoqarfinnut tunineqarsinnaasumit annertunerusumik pilersuisinnaanngilaq, taamaattumillu illoqarfinni pisariaqartitat matussuserniarlugit ikummatissanik nunap iluaneersunik atuisoqangaatsiartoqartariaqarpoq. Tamanna pissutigalugu imeq erngup nukinganik innaallagissiorfimmut kuuttoq annertusitinneqassasoq ukiuni arlalinni kissaatigineqarsimavoq. Suliami erngup, erngup nukinganik innaallagissiorfimmut kuuttup annertusitinneqarnissaa siunertarineqarpoq, taannalu ASN-imut nassuiaammi sukumiinerusumik nassuiarneqarpoq naliliiffigineqarlunilu.

Tusarniaanermut najoqqutassat tassaapput:

 Qorlortorsuarmi erngup nukinganik innaallagissiorfiup allineqarnissaa, ASN-imut nassuiaat

Tusarniaanermi killissarititaasoq: tallimanngorneq, 26. januar 2016, nal. 12:00.

Tusarniaanermi akissuteqaat uunga nassiunneqassaaq: Pinngortitamut, Avatangiisinut Inatsisinillu Atuutsitsinermut Naalakkersuisoqarfik, Postboks 1614, 3900 Nuuk imaluunniit paian@nanoq.gl.

Tamanut saqqummiunneqartoq:

26. november 2015 nal. 12:00

Tusarniaanermi akissuteqaatit uunga nassiunneqassapput:

paian@nanoq.gl

Sammisaq:

Silap pissusaa, nukissiuuteqarnerlu

Tusarniaanerup suunera:

Nalunaajaatit-Nalunaarusiat

Saqqummiunneqarfia:

26 novembari 12:00:00

Tusarniaanermi piffissaliussaq:

26 januari 12:00:00

Tusarniaanermi akissutit uunga nassiuteqquneqarput:

paian@nanoq.gl