2015-imi Tunup kujataata imartaani sajuppillatsitsisarluni misissuinissamut TGS-ip suliassamut nassuiaataata (Scope of Works) tamanut ammasumik ulluni 35-ni piareersaataasumik tusarniaassutigineqarnera (SEG15)

2015-imi Tunup kujataata imartaani sajuppillatsitsisarluni misissuinissamut TGS-ip qinnuteqaateqarnerani suliap killiffia (NEG15)

Immikkoortoq

Killiffik

Ulloq

Scope-p/suliamut nassuiaatip tunniunneqarnera

OK

  1. december 2014

Scope-p/suliamut nassuiaatip ulluni 35-ni piareersaataasumik tusarniaassutigineqarnera

OK

5. januar 2015 - 9. februar 2015

VVM-imut nassuiaatip sivikinnerpaamik sap. ak. 8-ni tamanut ammasumik tusarniaassutigineqarnera

Utaqqitinneqarpoq

(2015-imi marsimiit maajimut pinissaa naatsorsuutigineqarpoq)

Suliap akuerineqarnera

Utaqqitinneqarpoq

-

Siumoortumik tusarniaaneq suua, tamatumanilu suna siunertaava?

Aatsitassanut ikummatissanullu inatsit naapertorlugu 1. juli 2014-imiit VVM-imut nassuiaasiassap imaata aalajangersarneqannginnerani suliassamut nassuiaat ulluni 35-ni tamanut ammasumik piareersaataasumik tusarniaassutigineqartussaavoq.

Piareersaataasumik tusarniaaneq VVM-imut nassuiaaterpiaap sap. ak. 8-ni tamanut ammasumik tusarniaassutigineqarneranut tapertaavoq, sapinngisamik suliap ingerlanneqarnerani siusissukkut suliaq pillugu paasissutissiinerup annertusineqarnissaa, kiisalu tamat akuutinneqarnissaat siunertarineqarluni.

Piareersaataasumik tusarniaaneq suliassamut siunnersuutit, isumassarsiat apeqqutillu paasissutissiiviusut allat suliap ingerlanerani sapinngisamik siusissukkut isumagineqarnissaannut iluaqutaassaaq, taamaalillunilu qinigassanut isummersuutit siunnersuutillu suliassap piareersarneqarneranut ilaatinneqarsinnaassallutik.

Kiisalu ingerlatseqatigiiffiit suliap ingerlanerani siusissukkut soqutigisalinnut oqartussaasunullu attuumassutilinnut attaveqalersinnaassapput.

Piareersaataasumik tusarniaanermi pissarsiarineqartut tunngavigalugit ingerlatseqatigiiffiup VVM-imut nassuiaasiassap imassai inaarutaasut aalajangersassavai. Tusarniaanermut akissuteqaatit tiguneqartut ingerlatseqatigiiffinnut nassiunneqassapput, ingerlatseqatigiiffillu pisussaavoq tusarniaanermut akissuteqaatinit isumassarsiuutaasut VVM-imut nassuiaatip suliarineqarnerata ingerlaqqinneranut ilanngutissallugit.

Tusarniaanermut akissuteqaatit sap. ak. 8-ni tamanut ammasumik tusarniaanermut akissuteqaatit assigalugit itisiliiffiusumik nalunaarusiami, ingerlatseqatigiiffiup suliarisassaanut ilanngunneqassapput. Itisiliiffiusumik nalunaarusiaq allakkiaavoq, tusarniaanermut oqaaseqaatinik, taakkununnga akissutinik aammalu oqaaseqaatit qanoq annertutigisumik suliassamut tassungalu nassuiaatinut allannguuteqartitsissanersut allaaserisanik imaqartussaq.

Uani takuneqarsinnaavoq pilersaarusiap allaaserineqarnera inaarutaasoq

 

Suliassamut nassuiaat:

TGS-NOPEC Geophysical Company ASA misissueqqaarnissamut akuersissummut nr. 2012/41-mut pisinnaatitaaffeqartutut, Tunup kujataata imartaani 1000 liniekilometerit missaat tikillugit isorartussusilimmi 2D-nik sajuppillatsitsisarluni paasissutissanik katersinissamut akuerineqarnissamik qinnuteqarpoq. Qinnuteqartup naliliinera malillugu paasissutissanik katersinissaq 2015-imi 1. juulip aamma 31. oktobarip akornanni ullualunnguaniit sapaatit akunnialunnguinut sivisussuseqarnissaa ilimagineqarpoq.

Misissuinissat siunnersuutigineqartut sumiiffiit matoqqasut, imaani uumasut miluumasut illersorneqarnissaat eqqarsaatigalugu sajuppillatsitsisarluni misissuinissamut inerteqquteqarfiusut avataaniissapput. Imaani uumasunik miluumasunik illersuiffiusut VVM-imut nassuiaammi annertuumik sammineqassapput.

SEG15-ip misissuiffigineqarnerani angallatip sajuppillatsitsisarluni misissuisartup aammalu angallatit tapertaasut marluk tikillugit atorneqarnissaat pilersaarutigineqarpoq.

Tusarniaanermi oqaaseqarnissamut periarfissarititaasoq

2D-mik sajuppillatsitsisarluni paasissutissanik katersinissamut qinnuteqarnermut atatillugu suliassamut nassuiaatissatut (Scope of Works) missingiummut oqaaseqaatit kingusinnerpaamik 9. februar 2015-imi nal. 16.00 Pinngortitamut, Avatangiisinut Inatsinillu Atuutsitsinermut Naalakkersuisoqarfimmut (apn@nanoq.gl nassiuteqquneqarput.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Saqqummiunneqarfia:

05 januari 12:21:00

Tusarniaanermi piffissaliussaq:

09 februari 16:00:00

Tusarniaanermi akissutit uunga nassiuteqquneqarput:

apn@nanoq.gl