Asimi sulliviugallartuni eqqakkanik passussisarneq pillugu najoqqutassat

Kalaallit Nunaanni aatsitassarsiornermut atatillugu sullivinnut asimi eqqakkanik passussinermut maleruagassat nutaat

Aatsitassarsiornermi Avatangiisinut Aqutsisut matumuuna Asimi sulliviugallartuni eqqakkanik passussisarneq pillugu najoqqutassat pillugit missingiut tamanut ammasumik tusarniaassutitut saqqummiuppaat.

Maleruagassat sullivinnut tammaarsimaarfiugallartunut, tammaarsimaarfiup pilersinneqarneraniit ukiup ataatsip ingerlanerani ullut inoqarfiusut 300-t sinnerneqarsimatillugit atuutissapput. Sullivinnut tammaarsimaarfinni ullut inoqarfiusut 300-nit ikinnerutillugit eqqagassalerinissamut maleruagassat ”Kalaallit Nunaanni aatsitassarsiornermut (kulbrintit ilanngunnagit) atatillugu tammaarsimaarfinni sulinermut nalunaarusiortarnermullu maleruagassat”-ni allaaserineqarput.

Aatsitassarsiornermi Avatangiisinut Aqutsisoqarfiup Aatsitassanut inatsimmi § 84, imm. 1 tunngavigalugu maleruagassat ilanngunneqartut suliarai.

Tusarniaanermi piffissarititaasoq:

Siunnersuummut oqaaseqaatit Pinngortitamut, Avatangiisinut Inatsisinillu Atuutsitsinermut Naalakkersuisoqarfimmut nassiuteqquneqarput, e-mailadressemut uunga: paian@nanoq.gl, kingusinnerpaamik 13. august 2015, nal. 16.00.

Tusarniaanermi atortussat

Asimi sulliviugallartuni eqqakkanik passussisarneq pillugu najoqqutassat

Sammisaq:

Avatangiisit

Tusarniaanerup suunera:

Avatangiisinik nalilersuinerit

Saqqummiunneqarfia:

15 maaji 14:20:00

Tusarniaanermi piffissaliussaq:

13 aggusti 16:00:00

Tusarniaanermi akissutit uunga nassiuteqquneqarput:

paian@nanoq.gl