Kalaallit Nunaani imaani sajuppillatsitsilluni misissuinermut ilitsersuut

Uunga siunnersuutip tamanut ammasumik tusarniaassutigineqarnera: ”Kalaallit Nunaani imaani sajuppillatsitsilluni misissuinermut ilitsersuut: Suleriaaseq Avatangiisimut Pitsaanerpaaq (BEP), Avatangiisip Sunnerneqarneranik Naliliineq (VVM) aamma Suliniutinik Pinaveersaartitsissutaasunik Naliliineq (VFT) pillugit tunaartarisat”

Aallaqqaasiut:

Ilitsersuut manna sajuppillatsitsisarluni misissuinernut malittarisassanik nutartikkanik imaqarpoq:

  1. Avatangiisinut Sunniutissanik Naliliinermut nassuiaasiornissamut (VVM-imut nassuiaat) malittarisassat
  2. Pinaveersaartitsissutaasussanik naliliinermut nassuiaasiornissamut (VFT-mut nassuiaat) malittarisassat
  3. Sajuppillatsitsisarluni misissuinerit ingerlanneqartarnerat.
  4. Sajuppillatsitsisarluni misissuinerni imaani uumasunut miluumasunut illersuinissamut killeqarfiit iluarsisat.

Illersuinissamut killeqarfiit iluarsisat 2014-imi tusarniaassutigineqarput, kisiannili Aatsitassarsiornermi Avatangiisinut Aqutsisoqarfiup tusarniaanermi najoqqutassat kukkuneqarnerat pissutigalugu tusarniaaneq 2014-imi septembarimi unitsittariaqarsimavaa.

Nassuiaat:

Misissuineq aatsitassarsiornermut inatsimmut ilaatinneqartoq avatangiisinut annertuumik sunniuteqartussatut isumaqarfigineqarpat, aatsaat immikkoortut uku tamarmik naammassineqarnerini pilersaarummut akuersisoqarsinnaavoq:

  1. Suliassamut nassuiaat Aatsitassarsiornermi Avatangiisinut Aqutsisoqarfimmut aamma aqutsisoqarfiup ilisimatusarnikkut siunnersortaannut naliliiffigisassanngorlugu nassiunneqarpat
  2. Suliassamut nassuiaat tunngavigalugu Avatangiisinut Aqutsisoqarfiup (aqutsisoqarfiup ilisimatusarnikkut siunnersortai peqatigalugit) suliassaq avatangiisinut annertuumik sunniuteqarsinnaasoq naliliiffigippagu, tamatumalu kingorna suliassamut nassuiaammut missingiuut piareersaataasumik tusarniutigineqarnera  sioqqullugu ilisimatitsissummik suliaqartoqarpat
  3. Missingiuut ulluni 35-ni tamanut ammasumik piareersaataasumik tusarniaassutigineqarpat
  4. Tusarniaanermi akissuteqaatit tiguneqartut tunngavigalugit suliassamut nassuiaat pisariaqarfiini naleqqussarneqarpat
  5. Suliassamut nassuiaat naleqqussagaq Naalakkersuisunit akuerineqartussanngorpat
  6. Avatangiisinut Sunniutissanik Naliliisoqarpat (VVM - tuluttut: Environmental Impact Assesment, EIA) aammalu VVM-imut nassuiaammut missingiummik suliaqartoqarpat.
  7. VVM-imut nassuiaat sivikinnerpaamik sapaatit akunnerini arfineq pingasuni tusarniaassutigineqarpat.
  8. Piffissaq tusarniaaffiusoq naappat, tusarniaanermi akissuteqaatit tiguneqartut VVM-imut nassuiaat pisariaqarfiini naleqqussarneqassaaq, aammalu atuagaq, tusarniaanermi akissuteqaatinut tiguneqartunut tamanut saqqummiussiviusoq suliarineqassaaq.
  9. VVM-imut nassuiaat naleqqussagaq Naalakkersuisunit akuerineqassaaq.

Sajuppillatsitsisarluni misissuineq, aatsitassarsiornermut inatsimmi ilaatinneqartoq avatangiisinut killilersuutaasunik sunniuteqartussatut isumaqarfigineqarpat, aatsaat immikkoortut uku tamarmik naammassineqarnerini pilersaarummut akuersisoqarsinnaavoq:

  1. Suliassamut nassuiaat Aatsitassarsiornermi Avatangiisinut Aqutsisoqarfimmut aamma aqutsisoqarfiup ilisimatusarnikkut siunnersortaannut naliliiffigisassanngorlugu nassiunneqarpat
  2. Suliassamut nassuiaat tunngavigalugu Avatangiisinut Aqutsisoqarfiup (aqutsisoqarfiup ilisimatusarnikkut siunnersortai peqatigalugit) suliassaq avatangiisinut killiliisinnaasoq naliliiffigippagu
  3. Piareersaartitsissutaasunik naliliisoqarpat (VFT) aamma VFT-mut nassuiaammut missingiummik suliaqartoqarpat..
  4. VFT-mut nassuiaat sivikinnerpaamik sapaatit akunnerini arfineq pingasuni tusarniaassutigineqarpat.
  5. Piffissaq tusarniaaffiusoq naappat, tusarniaanermi akissuteqaatit tiguneqartut VFT-mut nassuiaat pisariaqarfiini naleqqussarneqassaaq, aammalu atuagaq, tusarniaanermi akissuteqaatinut tiguneqartunut tamanut saqqummiussiviusoq suliarineqassaaq.
  6. VFT-mut nassuiaat naleqqussagaq Naalakkersuisunit akuerineqassaaq.

Aatsitassarsiornermi Avatangiisinut Aqutsisoqarfimmit erseqqissaatigineqarpoq, Naalakkersuisut VVM/VFT-mut nassuiaatinut akuerseriinngippata, suliassat aallartinneqarnissaannut akuersissutinik tunniussisoqarsinnaanngitsoq.

Tusarniaanermi oqaaseqaateqarnissamut piffissarititaasoq

”Kalaallit Nunaani imaani sajuppillatsitsilluni misissuinermut ilitsersuut” pillugu siunnersuummut nassiunneqartumut oqaaseqaatit kingusinnerpaamik 31. august nal. 16.00 Pinngortitamut, Avatangiisinut Inatsisinillu Atuutsitsinermut Naalakkersuisoqarfimmut (paian@nanoq.gl) nassiuteqquneqarput.

Tusarniaanermi najoqqutassat

  • Kalaallit Nunaani imaani sajuppillatsitsilluni misissuinermut ilitsersuut: Suleriaaseq Avatangiisimut Pitsaanerpaaq (BEP), Avatangiisip Sunnerneqarneranik Naliliineq (VVM) aamma Suliniutinik Pinaveersaartitsissutaasunik Naliliineq (VFT) pillugit tunaartarisat

Sammisaq:

Avatangiisit

Tusarniaanerup suunera:

Avatangiisinik nalilersuinerit

Saqqummiunneqarfia:

20 juli 13:49:00

Tusarniaanermi piffissaliussaq:

31 aggusti 12:00:00

Tusarniaanermi akissutit uunga nassiuteqquneqarput:

paian@nanoq.gl