Kalaallit Nunaanni aatsitassarsiorfinnut suliassanut Avatangiisinut sunniutaasussanik nalilersuinernik (ASN) suliaqarnernut malittarisassat nutaat

Aatsitassanik Suliassaqarfinnut Avatangiisinut Aqutsisoqarfiup matumuuna Kalaallit Nunaanni aatsitassarsiorfinnut suliassanut Avatangiisinut sunniutaasussanik nalilersuinernik (ASN) suliaqarnernut malittarisassanut missingiut tamanut ammasumik tusarniaassutigalugu saqqummiuppaa.

Maannakkut ilitsersuutaasup iluarsaanneqarnera tassani pineqarpoq (saqqummersitat aappaat, januar 2011). Ilitsersuut nutaaq ASN-inik suliaqarnermut nunani tamalaani suleriaatsit pitsaasut tunngavigalugit aammalu avatangiisinik allanngutsaaliuinissamut malitassat qaffasissumik piumasaqaateqarfiunissaat siunertaralugu, suliarineqarpoq.

Iluarsaassinermi piareersaataasumik tusarniaasarneq pillugu maleruagassanut nutaanut, ulloq 1. juli 2014 atuutilersunut sanilliullugu nutarterinerit ilanngunneqarput.

Tusarniaanermut killissaliussaq:
Siunnersuummut oqaaseqaatissat Pinngortitamut, Avatangiisinut Inatsisinillu Atuutsitsinermut Naalakkersuisoqarfimmut nassiuteqquneqarput uunga e-mailadressen: paian@nanoq.gl kingusinnerpaamik ulloq 30. juunip 2015 nal. 16.00. 

Tusarniaanermut allakkiat

  • Kalaallit Nunaanni aatsitassanik atuinermi ASN pillugu nassuiaatip (Avatangiisinut Sunniutinik Nalilersuinerit) suliarineranut najoqqutassat

Sammisaq:

Avatangiisit

Tusarniaanerup suunera:

Avatangiisinik nalilersuinerit

Saqqummiunneqarfia:

05 maaji 14:00:00

Tusarniaanermi piffissaliussaq:

30 juni 16:00:00

Tusarniaanermi akissutit uunga nassiuteqquneqarput:

paian@nanoq.gl