Aatsitassanut Ikummatissanullu Aqutsisoqarfiup qinnuteqarnermut, Kalaallit nunaatalu avataani ikummatissanik imerpalasussarsiorluni misissuinermi nalunaaruteqartarnermullu suliaqarnermi (qillerineq minillugu) malittarisassai

Sinerissap avataani ikummatissiassanut tunngatillugu misissuinermi ingerlataqarnissamut qinnuteqaateqartarnermut, suliarinnittarnermut aammalu nalunaarusiortarnermut malittarisassat tamanut ammasumik tusarniaassugineqarnerat

”Aatsitassanut Ikummatissanullu Aqutsisoqarfiup qinnuteqarnermut, Kalaallit nunaatalu avataani ikummatissanik imerpalasussarsiorluni misissuinermi nalunaaruteqartarnermullu suliaqarnermi (qillerineq minillugu) najoqqutassiaaii”-nut missingiummut 31. juli 2015-imeersumut (najoqqutassat) tusarniaanermut akissuteqaatinut tiguneqartunut Aatsitassanut Ikummatissanullu Aqutsisoqarfik qujavoq.

Najoqqutassat Aatsitassanik Suliassaqarfinnut Avatangiisinut Aqutsisoqarfiup missingiutaata: ”Kalaallit Nunaani imaani sajuppillatsitsilluni misissuinermut ilitsersuut: Suleriaaseq Avatangiisimut Pitsaanerpaaq (BEP), Avatangiisip Sunnerneqarneranik Naliliineq (VVM) aamma Suliniutinik Pinaveersaartitsissutaasunik Naliliineq (VFT) pillugit tunaartarisat” tusarniaassutigineqarneranut peqatigitillugu tusarniaassutigineqarput.

Tusarniaanermut akissuteqaatit tiguneqartut tunngavigalugit Aatsitassanut Ikummatissanullu Aqutsisoqarfiup, itisiliffiusumik nalunaarusiaq tusarniaanermut akissuteqaatinut oqaaseqaatitaqartoq, suliaraa. Itisiliiffiusumik nalunaarusiaq uani aaneqarsinnaavoq.

Tamatuma saniatigut Naalakkersuisut najoqqutassat iluarsaallugit suliarineqarnerat akueraat. Inaarutaasumik allannera saqqummersinneqarpoq uani www.govmin.gl aamma Naalakkersuisut.gl.
 

Uunga siunnersuutip tamanut ammasumik tusarniaassutigineqarnera: ’Kalaallit Nunaanni sinerissap avataani ikummatissiassanik misissuilluni ingerlataqarnissamut (qillerinerit ilaanatik) qinnuteqaateqarnermut Aatsitassanut Ikummatissanullu Aqutsisoqarfiup najoqqutassiaai’

 

Aallaqqaasiut:

Ilitsersuut taanna sinerissap avataani ikummatissiassanik misissuilluni ingerlataqarnissamut qinnuteqaateqarnermut, suliarinnittarnermut nalunaarusiortarnermullu malittarisassanik nutartikkanik imaqarpoq:

  1. Sinerissap avataani misissuilluni ingerlataqanissamik qinnuteqaateqarnermut malittarisassat
  2. Sinerissap avataani misissuilluni ingerlatanik suliarinninnissamut malittarisassat
  3. Sinerissap avataani misissuilluni ingerlatanik nalunaarusiornermut malittarisassat

 

Iluarsaassineq Sinerissap avataani ikummatissiassanut tunngatillugu misissuinermi ingerlataqarnissamut qinnuteqaateqartarnermut, suliarinnittarnermut aammalu nalunaarusiortarnermut malittarisassat, 2011-imeersut maannakkut atuuttut tunngavigalugit suliarineqarpoq.

Nassuiaat:

Ikummatissiassarsiorluni sinerissap avataani misissuilluni ingerlatassat suliarineqarnissaat kissaatigineqarpat, qinnuteqaat, suliarinninneq nalunaarusiornerlu Aatsitassanut Ikummatissanullu Aqutsisoqarfiup malittarisassiai naapertorlugit suliarineqassapput. Tamatumani qulakkeerniarneqarpoq:

  • ingerlatassat annertussusaasa eqqortumik nalilerneqarnissaat,
  • avatangiisinut sunniutaasinnaasut eqqortumik naaperiarneqarnissaat,
  • ingerlataqarnerpiap eqqortumik suliaqarfigineqarnissaa,
  • ingerlataqarnerup naammassereernerata kingorna eqqortumik nalunaarusiornissaq.

Aatsitassanut Ikummatissanullu Aqutsisoqarfiup malittarisassiaanni suleqataasut tamarmik attuumassuteqartut akuutinneqarnissaat qulakkeerneqarpoq, taamaalilluni ingerlatassaq maleruagassat atuuttut naapertorlugit suliarineqassalluni. Aatsitassanut Ikummatissanullu Aqutsisoqarfiup erseqqissarpaa, Naalakkersuisut qinnuteqaammik ilitsersuut manna naapertorlugu tunniunneqartumik akuersissuteqaqqaanngippata, ingerlatassanik suliaqarnissamut akuersissummik tunniussisoqarsinnaanngitsoq.

 

Annertunerusumik:

’Kalaallit Nunaanni sinerissap avataani ikummatissiassanik misissuilluni ingerlataqarnissamut (qillerinerit ilaanatik) qinnuteqaateqarnermut Aatsitassanut Ikummatissanullu Aqutsisoqarfiup malittarisassiai’-nni til ”Kalaallit Nunaanni sinerissap avataani sajuppillatsitsisarluni misissuinernut ilitsersuut: Avatangiisinut tunngasuni suleriaatsimut pitsaanerpaamut malittarisassat (BEP), Avatangiisinut sunniutaasussanik nalilersuineq (VVM) aamma Pitsaaliuisunik suliniutaasussanik nalilersuineq (VFT)” 2015 innersuussutigineqarput. Aatsitassanik Suliassaqarfinnut Avatangiisinut Aqutsisoqarfimmit ilitsersuutit taakkua maannakkorpiaq Naalakkersuisut tusarniaanermut nittartagaanni tusarniaassutigineqarput, link uani.

 

Oqaaseqaateqarnissamut tusarniaanermut piffissamut killissaliussaq

’Kalaallit Nunaanni sinerissap avataani ikummatissiassanik misissuilluni ingerlataqarnissamut (qillerinerit ilaanatik) qinnuteqaateqarnermut Aatsitassanut Ikummatissanullu Aqutsisoqarfiup malittarisassiai’-nnut siunnersuummut nassiunneqartumut oqaaseqaatit kingusinnerpaamik ataasinngorneq ulloq 31. august 2015 nalunaaqutaq 12.00 Aatsitassanut Ikummatissanullu Aqutsisoqarfimmut (mlsa@nanoq.gl) nassiuteqquneqarput.

 

Tusarniaanermut najoqqutassat

  • Kalaallit Nunaanni sinerissap avataani ikummatissiassanik misissuilluni ingerlataqarnissamut (qillerinerit ilaanatik) qinnuteqaateqarnermut Aatsitassanut Ikummatissanullu Aqutsisoqarfiup malittarisassiai

Sammisaq:

Aatsitassat

Tusarniaanerup suunera:

Nalunaajaatit-Nalunaarusiat

Saqqummiunneqarfia:

31 juli 00:00:00

Tusarniaanermi piffissaliussaq:

31 aggusti 16:00:00

Tusarniaanermi akissutit uunga nassiuteqquneqarput:

mlsa@nanoq.gl