Citronen Fjord-imi Zink-imik Aqerlumillu piiaanissamut Ironbark-ip qinnuteqarnera pillugu VSB-mik aamma VVM-imik nassuiaatinik tusarniaanerit


Citronen Fjord-imi pilersaarutit killiffii

Alloriarfiit

Killifiit

Ulluliinerit

VSB-mik aamma VVM-mik nassuiaatit imaat pillugit ataasimiititalianut tusarniaaqqaarnerit

Aatsitassanut inatsimmi 1. juli 2014-imi atuutilersumi tursarniaanissaq piumasaqaataalersoq sioqqullugu VVM aamma VSB aallartinneqarmata tusarniaanissaq piumasaqaataanngilaq

VVM-mik aamma VVM-mik minnerpaamik sap. Ak. 8-ni tamanik tusarniaanerit

Ingerlannerqarpoq

23. september 2015 – 4. januar 2016

Ilisimasanik allattugaliorneq

Ingerlannerqarpoq

VVM-mik aamma VVM-mik nassuiaatit

Ingerlannerqarpoq

4. januar 2016 -

IBA

Ingerlannerqarpoq

September 2016

Piiaanissamut akuersissut

Ingerlannerqarpoq

16. december 2016

Tusarniaanermi atortut:
Misissuinissamut akuersissummut 2007/02 (Citronen Fjord) ilanngullugu zinkimik aamma aqerlumik piiaanissamut akuersissummik Ironbark Inc. qinnuteqarpoq


      
Nunap assinga: Ironbark-ip misissuinissamut akuersissutaani 2007/02 nunaminertaq qorsummik qalipaaserneqarpoq.

Tusarniaanermi atortut tassaapput allakkat makku (tamarmik kalaallisut/danskisut/tuluttut):
1. Inuiaqatigiit nammassinnaassusiinik naliliineq pillugu nassuiaatit (VSB)
2. VSB-mik naalisaaneq teknikimut tunngassuteqanngitsoq
3. Avatangiisinut sunniutissat nalilersorneri pillugu nassuiaatit (VVM)
4. VVM-mik nassuiaatit naalisarneri teknikimut tunngassuteqanngitsut
5. Immakkut angallassinerup isumannaatsuunera pillugu nalunaarusiaq

Nalunaarusiat, VSB-mik VVM-lu nassuiaatinut siuliani pineqartunut innersuussutigineqartut, Ironbark-ip aamma tamanut saqqummersinnikuuaat, taakkulu ingerlatseqatigiiffiup nittartagaani takuneqarsinnaapput: http://ironbark.gl/projects/greenland/citronen/document-library/.

Inuiaqatigiit nammassinnaassusiinik nalilersuinerup (VSB) siunertaraa, suliniutitut siunnersuutigineqartut akuersissuteqartinnissaannut akuerineqarnissaannullu piumasaqaatit aalajangernissaannut paasissutissat pisariaqartut tamakkerlugit oqartussaasunut tunniunnissaat siunertaralugu inuiaqatigiinni pissutsinut atuuttunut suliniutit sunniutissaat ilaatigut nalilersussallugu.

VSB-mik siunertaq alla tassaavoq, Namminersorlutik Oqartussat, kommunit aammalu ingerlatseqatigiiffiup (Ironbark) akornanni Impact Benefit Agreement-imik (IBA) isumaqatiginninniarnernut tunngaviliinissaq.

Avatangiisinut sunniutit nalilersornerisa (VVM) ilaatigut siunertaraat, pinngortamut avatangiisinullu tunngasut nalilersussallugit nassuiassallugillu, suliniutitut siunnersuutigineqartup avatangiisinut sunniutigisinnaasaasa nalilersorneri ilanngullugit, kiisalu VSB assigalugu, suliniutitut siunnersuutigineqartup akuersissutiginissaanut akuerineqarnissaanullu piumasaqaatit aalajangernissaannut paasissutissat pisariaqartut oqartussaasunut tunniutissallugit.

www.naalakkersuisut.gl-imi tusarniaanermut atortut tamanut saqqummiunneqarneri isumaqanngilaq, tusarniaanermi atortut, VSB-mik aamma VVM-imik nassuiaatit ilanngullugit, Naalakkersuisut akuersissutigigaat. Piiaasinnaanermut akuersissutip nalunaarutiginerani aatsaat taamatut akuersissuteqarneq pissaaq. VSB aamma VVM tassaapput suliniutigisap piviusunngortinnerani inuiaqatigiinnut avatangiisinullu sunniutaasussanik Ironbark-ip nalilersuinera.

Tusarniaanerni ataatsimiisitsinerit:
Tusarniaanerup ingerlanneqarnerani sumiiffinni tulliuttuni allassimasuni tamanut ammasunik ataatimiisitsinernik aaqqissuussisoqassaaq, taakkunani innuttaasut suliniut nalinginnaasumik pingaartumillu tusarniaanermi atortut pillugit apeqquteqarsinnaallutik.
• Nuuk
• Ilulissat
• Kangerlussuaq
• Sisimiut

Tamatuma saniatigut 2016-imi januaarimi Tasiilami Qaanaamilu innuttaasunik immikkut ataatsimiisitsisoqassaaq.

Ataatsimiisitsinerit ullussaat Ironbark tusarniareerlugu Naalakkersuisunit aalajangerneqassapput taavalu Naalakkersuisut nittartagaatigut aammalu sumiiffinni allagartaliinikkut tamanut saqqummiunneqassallutik.

Ironbark-imit aamma Naalakkersuisunit aallartitat ataatsimiisitsinerni ilaatigut peqataassapput.

Tusarniaalluni ataatsimiisitsinerni saqqummiussat
Ironbarkimit suliassaq pillugu saqqummiussisoqarpoq, VVMit aamma VSBit 
DCE-mit VVM-imut tunngasut oqaaseqarfigineqarput 
Inuussutissarsiornermut Naalakkersuisoqarfimmit VSBimut tunngasut oqaaseqarfigineqarput

Tusarniaalluni ataatsimiinnernit imaqarniliat 
Nuummi tusarniaalluni. 23. november 2015 ataatsimiisitsineq 
Kangerlussuarmi tusarniaalluni 27. november 2015 ataatsimiisitsineq 
Sisimiuni tusarniaalluni 28. november 2015 ataatsimiisitsineq 
Ilulissani tusarniaalluni 29. november 2015 ataatsimiisitsineq
Qaanaami tusarniaallun 20 januar 2016 ataatsimiisitsineq
Tasiilami tusarniaalluni 28. januar 2016 ataatsimiisitsineq
Qaqortoq tusarniaalluni 04. februar 2016 ataatsimiisitsineq

Tusarniaanerup killissaa: Ulloq 4. januaari 2016 nal. 16.00.

Tusarniaanermi akissut uunga nassiunneqassaaq: Aatsitassanik aqutsisoqarfik, Postboks 930, 3900 Nuuk imaluunniit mlsa@nanoq.gl

 

Sammisaq:

Aatsitassat

Tusarniaanerup suunera:

Avatangiisinik nalilersuinerit

Saqqummiunneqarfia:

23 septembari 14:44:00

Tusarniaanermi piffissaliussaq:

04 januari 16:00:00

Tusarniaanermi akissutit uunga nassiuteqquneqarput:

mlsa@nanoq.gl