Kitaata Qeqqani Qaqortorsuup eqqaani Anorthositimik atuinissaq pillugu Hudson Resourcesip qinnuteqaataanut tunngatillugu VSB-mik VVM-imillu nassuiaatinik tusarniaanerit

Suliniutip killiffia Naajat (White Mountain)

Alloriarfiit

Killifiit

Ulluliinerit

VVM-mik aamma VVM-mik minnerpaamik sap. Ak. 8-ni tamanik tusarniaanerit

Ingerlannerqarpoq

23. marts – 29. maj 2015

Ilisimasanik allattugaliorneq

Ingerlannerqarpoq

29. maj – september 2015

VVM-mik aamma VVM-mik nassuiaatit

Ingerlannerqarpoq

29. maj – september 2015

Piiaanissamut akuersissut

Ingerlannerqarpoq

24. september 2015

 

Ingerlannerqarpoq

24. september 2015

Tusarniaanermut atortussiat:

2002/06-imi ujaasinissamut akuersissuteqarfimmini (Naajat) Hudson Resources Inc. Qeqqata Kommuniani Qaqortorsuup (”White Mountain”-ip) eqqaani anorthositimik atuinissamut akuersissutisinissamik qinnuteqarpoq. Sumiiffiusoq 96 km2-inik annertussuseqarpoq.

Nunap assingata ilaa:



Tusarniaanermut atortussat allagaatinik makkuninnga imaqarput:

  1. Inuiaqatigiinni piujuartitsineq pillugu naliliineq (VSB) (kalaallisut)
  2. Inuiaqatigiinni piujuartitsineq pillugu naliliineq (VSB) (tuluttut)
  3. VSB-mik teknikkimut tunngasuunngitsumik imaqarniliaq (kalaallisut)
  4. VSB-mik teknikkimut tunngasuunngitsumik imaqarniliaq (qallunaatut)
  5. VSB-mik teknikkimut tunngasuunngitsumik imaqarniliaq (tuluttut)
  6. Avatangiisinut sunniutaasussanik nalilersuineq (VVM) (kalaallisut)
  7. Avatangiisinut sunniutaasussanik nalilersuineq (VVM) (tuluttut)
  8. VVM-imik teknikkimut tunngasuunngitsumik imaqarniliaq (kalaallisut)
  9. VVM-imik teknikkimut tunngasuunngitsumik imaqarniliaq (qallunaatut)
  10. VVM-imik teknikkimut tunngasuunngitsumik imaqarniliaq (tuluttut)

Inuiaqatigiinni piujuartitsineq pillugu naliliinermut (VSB-mut) siunertaq ilaatigut tassaavoq inuiaqatigiinni pissutsinik pioreersunik suliniutip sunniuteqarnissaanik naliliineq, suliniutip siunnersuutigisap akuersissummik tunineqarnissaanut akuerinissaanullu piumasaqaatit aalajangersarnissaannut oqartussaasunut paasissutissat pisariaqartitat tunniunneqarnissaat siunertarineqarluni. VSB-mut siunertaq alla tassaavoq Namminersorlutik Oqartussat, Qeqqata kommuniata aamma Hudson Resourcesip akornanni Impact Benefit Agreementimik (IBA-mik) isumaqatiginninniarnermut tunngavigisassaanera. Aammattaaq qulaani VSB-mik nassuiaasiornermut tunngaviusutut nalunaarusiaq Hudson Resourcesip tamanut saqqummiussimavaa, ingerlatseqatigiiffiup nittartagaani takuneqarsinnaasoq uani: www.hudsonresources.ca (Una tooruk).

Avatangiisinut sunniutaasussanik nalilersuinerup (VVM-ip) ilaatigut siunertarivaa pinngortitami avatangiisinilu pissutsinik nalilersuillunilu nassuiaanissaq, ilanngullugit suliniutip siunnersuutigisap avatangiisinut tunngasutigut sunniutigisinnaasai, kiisalu VSB assigalugu suliniutip siunnersuutigisap akuersissummik tunineqarnissaanut akuerinissaanullu piumasaqaatit aalajangersarnissaannut oqartussaasunut paasissutissat pisariaqartitat tunniunneqarnissaat. Ilanngullugu qulaani VVM-imut nassuiaammut taaneqartumut suliarinninnermut Hudson Resources tunngavigisatut nalunaarusiat tamanut saqqummiussimavai. Taakku ingerlatseqatigiiffiup nittartagaani takuneqarsinnaapput, matumani www.hudsonresources.ca (Una tooruk).

Naalakkersuisut.gl-imi tusarniaanermut atortunik tamanut saqqummiussineq Naalakkersuisut inaarutaasumik tusarniaanermut atortunik akuersissuteqarsimanerannik isumaqanngilaq. Taamatut akuersissuteqarneq aatsaat IBA-mik atsiuinikkut, aammalu atuinissamik akuersissummik nalunaaruteqarnikkut pissaaq. Taamaalillutik suliniutigisamik piviusunngortinnerani Hudson Resourcep avatangiisinut inuiaqatiginnullu tunngasutigut kingunerititassaannut tusarniaanermut atortut takusassiipput.

VSB-mut VVM-imullu nassuiaatit tusarniaassutigineranut atatillugu nassuiaatit 2014-imi juuli tikitsinnagu suliaqarneq Hudson Resourcesip aallartissimagaa ilisimatitsissutigineqarsinnaavoq. Taamaattumik 1. juli 2014 sioqqullugu innuttaasut ilanngussornissaannut tamanullu ammasumik tusarniaasitsisarneq pillugit malittarisassiat tunngavigalugit nassuiaatit saqqummiunneqarput, taamanikkut VVM-imut VSB-mullu nassuiaatinut suliniutinik nassuiaatinik sioqqutsisumik tusarniaasitsisarneq pillugu aalajangersakkat nutaat atuutsinneqalerlutik.

Tusarniaanermut atatillugu ataatsimiisitsinerit:

Tusarniaanermut atatillugu ataatsimiisitsinerit ulluni sumiiffinnilu ataani taaneqartuni tingerlanneqassapput:

Dato

Tid

By / bygd

Sted

8.maj

Kl. 12.30 – 15.30

Kangaamiut

Katersortarfik 

8.maj

Kl. 19.00

Maniitsoq

Hotel Maniitsoq

9.maj

Kl. 11.30 – 14.30

Itilleq

Katersortarfik

9.maj

Kl. 19.00

Kangerlussuaq

Timersortarfik

10.maj

Kl. 11.00 – 14.00

Sarfannguit

Katersortarfik

10.maj

Kl. 19.00

Sisimiut

Aatsitassalerinermut ilinniarfik

Ataatsimiinnerni ilaatigut Hudson Resourcesimit, Pinngortitaleriffimmit DCE-millu sinniisuutitat, ataanilu Naalakkersuisuni ilaasortat peqataassapput.

Inuussutissarsiornermut, Suliffeqarnermut, Niuernermut Nunanullu allanut Tunngasunut Naalakkersuisoq - Vittus Qujaukitsoq

Pinngortitamut, Avatangiisinut Inatsisinillu Atuutsitsinermut Naalakkersuisoq - Mala Høy Kúko

 

Tusarniaasitsinerup killiffia: 29. maj 2015, nal. 16.00

Tusarniaanermut akissutit uunga nassiutissapput: Aatsitassanut Ikummatissanullu Aqutsisoqarfik, Postboks 930, 3900 Nuuk imaluunniit mlsa@nanoq.gl

 

Sammisaq:

Aatsitassat

Tusarniaanerup suunera:

Avatangiisinik nalilersuinerit

Naalakkersuisoqarfik:

Aatsitassanut, Suliffeqarnermullu Naalakkersuisoqarfik

Saqqummiunneqarfia:

22 martsi 12:35:00

Tusarniaanermi piffissaliussaq:

29 maaji 16:00:00

Tusarniaanermi akissutit uunga nassiuteqquneqarput:

mlsa@nanoq.gl