Siunnersuut uunga: Inuussutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaanerit pillugit Inatsisartut inatsisaannik allannguineq

Inuussutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaanerit pillugit Inatsisartut inatsisaat nr. 10, 19. maj 2010-meersumut kingornalu Inatsisartut inatsisaatigut nr. 3 4. juni 2012-ikkut allaannguuteqartinneqartoq pillugu inatsisissatut siunnersuut pillugu tusarniaassut ilanngunneqartoq nassiunneqarpoq.

Inuussutissarsiutinik ilinniartitsinerup iluani naapertuunnerusumik aaqqissuussinissamut atortussanik inatsisinut atuuttunut tunngatillugu siunnersuut arlalinnik aaqqiissutinik imaqarpoq.

 

Siunnersuutikkut anguniarneqarpoq qitiusumik ilinniarfiit inuussutissarsiutinillu ilinniarfiit atuartitsinerinut tunngatillugu isumalluutinik ilinniakkanillu neqerooruteqartarnerat eqqarsaatigalugit atuilluarnerunissaq, siulersuisunik toqqaaniarnermi eqaallisaaneq, sungiusarluni sulinerup pingaarutaanik erseqqissaaneq kiisalu suliffissaqartitsinerup iluani pikkorissarnernut peqataasinnaanernut tunngatillugu malittarisassanik nalimmassaaneq. 

 

Siunnersuut pillugu tunuliaqutaasoq, siunertaa imaalu siunnersuummut nassuaatit ilanngunneqartunut innersuussisoqarpoq.

 

Oqaaseqaatigineqarsinnaasut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi kingusinnerpaamik ulloq 8. januar 2016 tiguneqareersimassapput. Oqaaseqaatit naalakkersuisoqarfiup mail-adresseanut uunga nassiuteqquneqarput: ikiin@nanoq.gl, imaluunniit Naalakkersuisoqarfiup najugaqarfianut:

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, Postbox 1029, 3900 Nuuk.

 

 

Inussiarnersumik inuulluaqqusillunga

Med venlig hilsen

 

Marcus Dalro

Inatsisit pillugit immikkut siunnersorti

E-mail: mada@nanoq.gl

Sammisaq:

Ilinniartitaaneq

Tusarniaanerup suunera:

Inatsisartut inatsisaat

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

04 decembari 15:12:00

Tusarniaanermi piffissaliussaq:

08 januari 17:00:00

Tusarniaanermi akissutit uunga nassiuteqquneqarput:

ikiin@nanoq.gl