Naligiissitaanermut tunngasut pillugit nalunaaruteqartarnerit aamma Naligiissitaanermut siunnersuisoqatigiinnut inassuteqaateqarsinnaasut pillugit Namminersorlutik Oqartussat nalunaarutissaattut siunnersuutip tusarniaassutiginera

Matumuuna naligiissitaanermut tunngasut pillugit nalunaaruteqartarnerit aamma Naligiissitaanermut siunnersuisoqatigiinnut inassuteqaateqarsinnaasut pillugit Namminersorlutik Oqartussat nalunaarutissaattut siunnersuut tusarniaassutigalugu nassiunneqarpoq.

Nalunaarutissatut siunnersuut suliarineqarpoq Angutit arnallu naligiissitaanissaat pillugu Inatsisartut inatsisaat nr. 3, 29. november 2013-meersoq tunuliaqutaralugu.

Nalunaarutissatut siunnersuutip siunertaraa kattuffiit, peqatigiiffiit, suliffeqarfiit il.il. sorliit naligiissitaanermut siunnersuisoqatigiiffimmut innersuussisinnaatitaanersut aammalu suliffeqarfiit pisortallu oqartussaaffiisa suiaassutsikkut agguataarineq aamma sulisoqarneq pillugu politikkikkut suliuniutit pillugit nalunaartarneq pillugit malittarisassaliornissaq.

Oqaaseqaataajunnartut Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmit tiguneqareersimassapput, kingusinnerpaamik ataasinngornermi novembarip 3-ani 2014. Oqaaseqaatit uunga nassiuseqquneqarput iiknn@nanoq.gl imaluunniit Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik, Postboks 1029, 3900 Nuuk.

Sammisaq:

Ilinniartitaanermut Ilisimatusarnermullu

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

26 septembari 12:00:00

Tusarniaanermi piffissaliussaq:

03 oktobari 12:00:00

Tusarniaanermi akissutit uunga nassiuteqquneqarput:

iiknn@nanoq.gl