Inuussutissarsiutinik ilinniarfinni soraarummeernerit pillugit Namminersorlutik Oqartussat nalunaarutissaattut siunnersuutip tusarniaassutiginera

Inuussutissarsiutinik ilinniarfinni soraarummeernerit pillugit Namminersorlutik Oqartussat nalunaarutissaattut siunnersuut tusarniaassutigalugu ilanngullugu nassiunneqarpoq.

Nalunaarutissatut siunnersuut suliarineqarpoq Inuussutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaanerit pillugit Inatsisartut inatsisaat nr. 10, 19. maj 2010-meersoq, Inatsisartut inatsisaatigut nr. 3, 4. juni 2012-imeersukkut allanngortinneqartoq tunuliaqutaralugu.

Siunnersuutip siunertaraa inuussutissarsiutinik ilinniarfinni tamani soraarummeernerit pillugit malittarisassanik aalajangersaanissaq. Malittarisassani pineqarput soraarummeernernik aaqqissuussinerit, soraarummeersinnaatitaanerit, naliliinerit, naliliinermut piumasaqaataasut ilanngullugit, soraarummeernerit ingerlanissaat, uppernarsaasiineq maalaaruteqarsinnaanerlu. Aammattaaq oqaatigineqassaaq malittarisassat siunnersuummi pineqartut, pineqartup iluani periutsit atuuttut sapinngisamik naapertorlugit suliaammata.

Aammattaaq oqaatigineqassaaq siunnersuut inuussutissarsiutinik ilinniagaqarfiinut attuumassuteqarmat, inuussutissarsiutinillu ilinniartitsinerup iluani pikkorissartitsinernut tunnganani.

Oqaaseqaataajumaartut Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfimmit tiguneqareersimassapput, kingusinnerpaamik 17. oktober 2014.  Oqaaseqaatit naalakkersuisoqarfiup pisortatigoortumik mailianut nassiuteqquneqarput: iiknn@nanoq.gl, imaluunniit naalakkersuisoqarfiup pisortatigoortumik allakkatigut adressianut:
Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik, Postboks 1029, 3900 Nuuk.

Sammisaq:

Ilinniartitaaneq

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

11 septembari 12:00:00

Tusarniaanermi piffissaliussaq:

17 oktobari 12:00:00

Tusarniaanermi akissutit uunga nassiuteqquneqarput:

iiknn@nanoq.gl