Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaata allanngortinnissaa pillugu Inatsisartut inatsissaattut siunnersuut

Matumuuna Inatsisartut inatsisaat nr. 19, 3. december 2012-imeersup allanngortinnissaanut siunnersuummik Inuussutissarsiornermut, Suliffeqarnermut, Niuernermut Nunanullu Allanut Tunngasunut Naalakkersuisoqarfiup nassiuppaa.

Allaatigiuk:

Siunnersuummiippoq inatsisip atugaqarfia allilluni sukisaarsaatigalugu aalisartunik aalisartitsinermut akuersissuteqartarnermik ilasaqarneq, taamatumuuna Sukisaarsaatigalugu aalisartunik aalisartitsinermut akuersissuteqartarneq pillugu Inatsisartut inatsisaat nr. 20, 22. november 2011-meersoq atorunnaarsinneqarpoq. Naalakkersuisut najugaqarfinni pilersaarusiornermik oqartussaasut tusarniaaffigereerlugit immikkoortortamut pilersaarut aqqutigalugu sumiiffiit immikkut ittumik takornariartitsinermik neriunartortaqarfiusut akuersissuteqarfissatut atugassiarineqarnissaannik inatsisilersuutigisaq ilanngunneqarpoq.

Sammisaq:

Takornariaqarneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Siunertaq:

Allannguutip siunertaa tassaavoq takornariartitsinermik inuussutissarsiorfiusumi akuersissutit suussusai tamakkerlugit inatsimmi ataatsimi katersornissaat. Tamatumunnga siunertaq tassaavoq namminersuutigalugu takornariartitsinermik suliaqartunut malittarisassianik pisariillisaaneq, aammalu annertunerumik paasinarsaaneq. Taamaalilluni inatsisissatut siunnersuut Kalaallit Nunaanni takornariartitsinermik inuussutissarsiorfiusumut sinaakkutissanik pitsaanerusunik nassataqartitsissaaq.

Inatsimmut allannguut UPA14-imi saqqummiunneqarsimavoq, tassungalu atatillugu atortuutitat tusarniaassutaasimallutik. Inatsisit ataatsimoortinnerisa nassatarisaannik sumik allannguuteqartoqarnera ilassutigalugu erseqqissarsimavarput.

Saqqummiunneqarfia:

23 decembari 16:49:00

Tusarniaanermi piffissaliussaq:

20 januari 12:00:00

Tusarniaanermi akissutit uunga nassiuteqquneqarput:

isiin@nanoq.gl