”Kalaallit Nunaata imartaani sajuppillatsitsisarluni misissuinerni imaani uumasunut miluumasunut illersuiffissanut killeqarfiit iluarsaanneqarnissaannut siunnersuut” pillugu tusarniaanerup taamaatinneqarner

Ulloq 17. september 2014: ”Kalaallit Nunaata imartaani sajuppillatsitsisarluni misissuinerni imaani uumasunut miluumasunut illersuiffissanut killeqarfiit iluarsaanneqarnissaannut siunnersuut” pillugu tusarniaanerup taamaatinneqarnera.

Matumuuna Aatsitassarsiornermi Avatangiisinut Aqutsisoqarfiup ”Kalaallit Nunaata imartaani sajuppillatsitsisarluni misissuinerni imaani uumasunut miluumasunut illersuiffissanut killeqarfiit iluarsaanneqarnissaannut siunnersuut” pillugu tusarniaaneq, 30. juli 2014-imi tamanut ammasumik saqqummiunneqartoq, tusarniaanermi akissuteqarnissamut 26. september 2014-imut piffissalerneqartoq taamaatinneqarpoq.

Kalaallit Nunaata imartaani sajuppillatsitsisarluni misissuinerni imaani uumasunut miluumasunut illersuiffissanut killeqarfiit iluarsaanneqarnissaannut siunnersuutip tusarniaassutigineqartup kukkuneqarnera, illersuiffissanullu killeqarfiit pillugit aalajangersakkat kissaatigineqartut oqaasertaannit tusarniaassutigineqartunit allaanerungaatsiarnissaasa naatsorsuutigineqarnera taamaatitsinermut pissutaavoq.

Kalaallit Nunaata imartaani sajuppillatsitsisarluni misissuinissamut ilitsersuutissanut missingiuutit nutaat piareerunik, imaani uumasunut miluumasunut illersuiffissanut killeqarfinnut siunnersuutinik iluarsisanik ilaqartinneqassapput tusarniaassutigineqassallutillu.

Tusarniaanerup taamaatinneqarnerani matumani akornutaasimasinnaasut Aatsitassarsiornermi Avatangiisinut Aqutsisoqarfimmit utoqqatsissutigineqarput.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Saqqummiunneqarfia:

30 juli 14:30:00

Tusarniaanermi piffissaliussaq:

26 septembari 12:00:00