Namminersorlutik Oqartussat aqutsisoqarfiini oqajamaamik aaqqissuussineq pillugu malittarisassat pillugit siunnersuut

Oqajamaamik (Whistleblower) aaqqissuussineq pillugu tusarniaaneq

Sulinermik inuussutissarsiuteqartut kattuffiinut taamatullu Kalaallit Nunaanni Namminersorlutik Oqartussat qitiusumik allaffissornikkut aqutsisoqarfiini oqartussaasunut tusarniaaffigisassat allattorsimaffianni ilanngunneqartumi allassimasunut.

Allaatigiuk:

Tusarniaanermut pissutaavoq aaqqissuussinerup nutaajunera Namminersorlutik Oqartussani sulisunut tamanut tunngalluni siusinnerusukkullu Namminersorlutik Oqartussani atugaasimannginnera. Tamatumunnga ilanngullugu Aningaasaqarnermut Sulisoqarnermullu Aqutsisoqarfiup kissaatigaa Oqajamaamik aaqqissuussinerup ilisimaneqalernissaa. Taamatuttaaq oqartussaasut kattuffiillu tusarniaavigineqartut tamakkununnga tunngasunik ilisimasariunnagaasa misilittagariunnagaasalu iluaqutigineqalernissaat.

Oqajamaamik aaqqissuussineq paasissutissiisarnertut pissuseqassaaq, taamaalilluni Namminersorlutik Oqartussani pissutsinik isorisariaqartunik paasissutissiisarsinnaaniassammata.

Oqajamaamik aaqqissuussinermik pilersitsinikkut sulisut periarfissaqalissapput toqqissisimanartumik atugassaqartitaallutik paasissutissanik ingerlatitseqqittarnissaminnut assersuutigalugu Namminersorlutik Oqartussani annertuunik kukkusoqartillugu. Taamatuttaaq siunertaavoq paasissutissiissutaajunnartut tunniunneqartut Namminersorlutik Oqartussat allaffissornikkut aqutsinerani, sulianik suliarinnittarneranni allanilu kukkunerusinnaasunik siunertalimmik pitsanngorsaanernut pinaveersaartitsinernullu atorneqartassasut. Oqajamaamik aaqqissuussinikkut Namminersorlutik Oqartussani attaveqaataareersut taarserneqassanngillat, assersuutigalugu tatigisaallutik sinniisunik aaqqissuussinerit.

Malittarisassat ilaatigut imaraat atorneqarfissaat, paasissutissiissutigineqartunik suliarinnittarneq, oqajamaamik aaqqissuussinermi allaffissornikkut aqutsineq allallu pillugit aalajangersakkat.

Aningaasaqarnermut Sulisoqarnermullu Aqutsisoqarfiup inussiarnersumik piumasarissavaa oqaaseqaatissaajunnartut tigussallugit kingusinnerpaamik ulloq 26. januar 2015 nal. 16.00 (Kalaallit Nunaanni nalunaaqutaq).

Oqaaseqaatissat qarasaasiakkut uunga nassiunneqarsinnaapput uunga: anad@nanoq.gl Anin-gaasaqarnermut Sulisoqarnermullu Aqutsisoqarfik, Att.: Anja Madsen, Aqqusinersuaq 5, postboks 1039, 3900 Nuuk, Grønland.

Saqqummiunneqarfia:

18 februari 10:49:00

Tusarniaanermi piffissaliussaq:

26 januari 23:30:00

Tusarniaanermi akissutit uunga nassiuteqquneqarput:

anad@nanoq.gl