Tusarniaaneq una pillugu inuussutissat nersutillu nappaataannik inunnut tunillaassorsinnaasut pillugit inatsisissatut siunnersuut

Aalisarnermut, Piniarnermut Nunalerinermullu Naalakkersuisoqarfiup ataani Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfimmit matumuuna inuussutissat nersutillu nappaataannik inunnut tunillaassorsinnaasut pillugit inatsisissatut siunnersuut tusarniaassutigalugu nassiunneqarpoq.

Siunnersuut Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaat nr. 17, 28. oktober 1993-imeersup annertuumik nutarterneqarneranik imaqarpoq. Tamatumunnga pissutaavoq, inuussutissalerinermut tunngasut ukiut kingulliit iluanni annertuumik ineriartupiloorsimanerat malillugu nutarterinissaq pisariaqalersimammat ilaatigut inuussutissanik nioqqutissiornerup iluani periutsit nutaat periarfissinniarlugit.

Allannguinermi siunertaavoq qulakkeerneqassasoq, Kalaallit Nunaanni siunissami inuussutissanik pitsaasunik peqqinnartunillu pissarsisoqarsinnaassasoq ilutigitillugulu qulakkeerneqassasoq Kalaallit Nunaanni innuttaasut tamarmik minguitsumik imissaqartinneqassasut. Nammineq nunagisami aammalu nunanut allanut niuernermi inuussutissanik nioqqutissiorneq Kalaallit Nunaanni suliffissanik allanik pilersitseqataassaaq. Tamanna ilaatigut qulakkeerneqassaaq inuussutissanik sulialinnut pitsaanerusumik ilinniagaqartarnissaannik piumasaqarneq aqqutigalugu, taamaasilluni Kalaallit Nunaanni inuussutissanik nioqqutissiorneq soorlu EU-mi piumasarineqartunut naapertuutilissagaluarpoq.

Naalakkersuisoqarfiup siunnersuummut oqaaseqaataasinnaasut tigunissaat pillugit inussiarnersumik qinnutigissavai kingusinnerpaamik ulloq 5. september 2014 nal. 12.00.

Oqaaseqaatit allaganngorlugit qarasaasiakkut uunga nassiunneqarsinnaapput: uumasut@nanoq.gl imaluunniit allakkatigut nalinginnaasukkut uunga: Aalisarnermut, Piniarnermut Nunalerinermullu Naalakkersuisoqarfik, Att.: Uumasunut Nakorsaqarfik, Imaneq 1A-701, Postboks 269, 3900 Nuuk

Tusarniaanermut akissuteqarnissamut piffissaliussamik sivitsuineq

Tusarniaanermut ulluliussaq septembarip ulluisa tallimaannit 26. september 2014-imut allanngortinneqarpoq.

Tusarniaanermut akissuteqarnissamut killiliussamik sivitsuineq tusarniaaffigineqartut ilaasa piffissaliussamik sivitsuisoqarnissaanik qinnuiginnissimanerannik pissuteqarpoq. Tamanna septembarip ulluisa tallimaanni suleqatigiissitanik, imeq imerneqartussaq pillugu nalunaarutip iluarsaanneqarnissaanut isummertussanik pilersitsisoqarnissaanik pissuteqarpoq, tassani ilaatigut oqartussatut akisussaanerup avinneqarnissaa eqqartorneqassalluni.

Tamatumani angusat inuussutissat nersutillu nappaataat inunnut tunillaassorsinnaasut pillugit inatsisissatut siunnersuummut nutaamut sunniuteqartussaassaaq taamaattumillu tusarniaanermut akissuteqarnissamut killiliussap sivitsorneqarnissaa Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfimmit aalajangiunneqarpoq.

Allaatigiuk:

Aalisarnermut, Piniarnermut Nunalerinermullu Naalakkersuisoqarfiup ataani Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfimmit matumuuna inuussutissat nersutillu nappaataannik inunnut tunillaassorsinnaasut pillugit inatsisissatut siunnersuut tusarniaassutigalugu nassiunneqarpoq.

Tusarniaanerup suunera:

Inatsisartut inatsisaat

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

25 juli 13:40:00

Tusarniaanermi piffissaliussaq:

26 septembari 12:00:00

Tusarniaanermi akissutit uunga nassiuteqquneqarput:

uumasut@nanoq.gl