Kunngip peqqussutaatigut Inunnik Nalunaarsuisarnermi inatsisip allanngortinneqarnera pillugu Inatsisip nr. 1251, 18. december 2012-imeersup

Inatsisip nr. 311, 29. marts 2014-imeer-sup kiisalu Inatsisip nr. 752, 25. juni 2014-imeersup Kalaallit Nunaannut atuutilersinneqarnissaat pillugit Inatsisartut inatsisissaattut siunnersuutip aalajangiiffigineqarnissaata tusar-niaassutigineqarneranut Namminersorlutik Oqartussat oqaaseqaatigisaat

Tusarniaanermi atortorineqartut

Tusarniaanermut allakkat

Eqikkaaneq

Missingiut

Siunnersuut sisamanik immikkoortulersugaavoq:

1.      Inunnik nalunaarsuisarfimmiit kommunit paasissutissanik piniarnerminni akiliutigisartagaasa qum-mut killinginik 53 koruuniniit 75 koruuninut qaffaaneq. Kiisalu Kalaallit Nunaanni Naatsorsueqqis-saartarfiup nunatsinni atuisunik misissuineri najoqqutaralugit akigititamik ukiumut nalimmassaasar-nissaq.

2.      Meeqqanik avissimasunik angajoqqaalinnik paarlakaattumik angajoqqaaminniittartunik  kommunit qanoq nalunaarsuisarnissaat pillugu aalajangersagaq. Allannguutissaq Inunnik Nalunaarsuisarnermi inatsimmut Angajoqqaatut akisussaaffeqarneq pillugu inatsiseqartitsinermut naapertuunnerulissaaq. Oqaatigineqassaaq Angajoqqaatut akisussaaffeqarneq pillugu inatsit Inatsisartut 2014-imi ukiakkut katersuunneranni oqaluuserisassanngortinneqarnikuummat.

3.      Inatsisitigut qinnuteqarnikkut timikkut suliaritinnani suiaassutsimik allannguinermi nutaamik inuup normutaarnissamut periarfissaqalernissaq.

4.      Inuup allap kinaassusianik atornerluisoqarneranut atatillugu nutaamik inuup normutaarnissamut periarfissaqalerneq.

Allaatigiuk:

Inunnik nalunaarsuinermi inatsisip allanngortinneqarnera pillugu Namminersorlutik Oqartussat siunnersuutip aalajangiiffigineqarnissaata tusarniaassutigineqarneranut oqaaseqaatigisaat

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Siunertaq:

Inunnik nalunaarsuinermi inatsisip allanngortinneqarnera pillugu Namminersorlutik Oqartussat siunnersuutip aalajangiiffigineqarnissaata tusarniaassutigineqarneranut oqaaseqaatigisaat

Saqqummiunneqarfia:

29 septembari 10:30:00

Tusarniaanermi piffissaliussaq:

03 novembari 12:00:00

Tusarniaanermi akissutit uunga nassiuteqquneqarput:

digitalisering@nanoq.gl