Kalaallit Nunaata kujataata kitaani misissueqqaarnissamut akuersissut nr. 2013/10 sumiiffiik akuersissummut ilaatinneqartoq iluani 2D-inik sajuppillatsitsisarluni paasissutissanik katersinissat pillugit avatangiisinik nalilersuinerit (EIA) tamanut ammasumik tusarniaassutigineqarnerat.

Misissueqqaarnissamut akuersissummik nr. 2013/10-mik pisinnaatitaaffeqartutut GX Technology Corporation Kalaallit Nunaata Kujataata Kitaatalu avataani imartami 2013-imi 2D-mik seismiskimik paasissutissat katersornerisa akuersissutiginissaat pillugit qinnuteqaateqarsimavoq.

Suliarisanut VVM-imik nassuiaammut allaqqaagaq 2013-imi upernaami Naalakkersuisut tusarniaanermik nittartagaani tamanut tusarniaassutigineqarsimavoq. Tusarniaanermut akissutit makkunanit takkupput: Arktisk Kommando, Greenpeace, Kalaallit Nunaanni Aalisarnermut akuersissuteqarnermik Nakkutilliisoqarfimmit (Grønlands Fiskerilicens Kontrol), ICC Greenland, KANUKOKA, Nunamut Namminermut, Pinngortitamut Avatangiisinullu Naalakkersuisoqarfik, kiisalu DCE aamma Pinngortitaleriffik.

Taamaattorli ukiormanna suliarisassatut pilersaarutigisat ingerlanneqarnissaannik ingerlatseqatigiiffiup taamaatitaqarnerminik GX Technology Corporation 16. juli 2013-imi Aatsitassanut ikummatissanullu Aqutsisoqarfimmut nalunaaruteqarpoq.

Paarlattuanik suliarisassat 2014-imi ingerlanniarnissaat ingerlatseqatigiiffiup naatsorsuutigai. GX Technology Corporationimit nalunaarut tunngavigalugu ingerlatseqatigiiffiup paasissutissanik seismiskiusunik katersuineranut, ilanngullugu ingerlatseqatigiiffiup VVM-imik nassuiaasiaata akuersissuteqarfigineranut akuersissutigisassatut ingerlattakkatut pilersaarutaasut tamarmik unitsinneqarput.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Tusarniaanermi piffissaliussaq:

10 maaji 12:00:00

Tusarniaanermi akissutit uunga nassiuteqquneqarput:

bmp@nanoq.gl