Avatangiisinik naliliineq sunniutissallu pillugit nalunaarusiap (VVM), Nuummi umiarsualiviup allineqarneranut atatillugu suliarineqartup tamanut ammasumik tusarniaassutigineqarnera

Nalunaarusiat allat, najoqqutassanut tusarniaassutaasunut ilaanngitsut Peqqissutsimut Attaveqarnermullu Naalakkersuisoqarfiup nittartagaani www.naalakkersuisut.gl nassaarineqarsinnaapput, imaluunniit linkimi uani:

http://naalakkersuisut.gl/da/Naalakkersuisut/Departementer/Sundhed-og-Infrastruktur/Infrastruktur/Havne-og-lufthavne/Borgermoede-om-havne 

Sanatitsisoq sanaartukkat ilaasa avatangiisinut sunniutaannik naliliisarneq aamma avatangiisinut akiliutit pillugit Namminersorlutik Oqartussat nalunaarutaanni nr. 5-imi, 27. marts 2013-imeersumi § 9 naapertorlugu innuttaasunik ataatsimiititsissaaq. Sanatitsisup ataatsimiinnissaq najukkani tusagassiorfiit aqqutigalugit piffissaq nalunaarutigiumaarpaa.

 

Innuttaasunut ataatsimiittitsineq:

Innuttaasunut ataatsimiittitsisoqassaaq Katua-mi sisamanngornermi januar-ip 16-iani nal. 19-imiit - nal. 22-imut.

Allaatigiuk:

Nuummi umiarsualivimmi inissaqartitsinerunissamik pisariaqartitsineq pissutigalugu aalajangerneqarpoq, Nuummi umiarsualivik pioreersoq allineqassasoq. Tamanna Qeqertani umiarsualivimmik sananermik kinguneqassaaq. Umiarsualivimmi talittarfik 320 m-inik takissuseqassaaq, imartaatalu itissusia 15 m-iussalluni (umiarsualivimmi pioreersumi immap itinerpaaffia 10 m-erpianik itissuseqarpoq). Sanaartugassat tassunga atasut, tassungalu ilanngullugu umiarsualivimmut umiarsualivimmiillu aqqusernit allat, aamma VVM-imut nassuiaammi allaaserineqarput.

Sammisaq:

Avatangiisit

Tusarniaanerup suunera:

Avatangiisinik nalilersuinerit

Naalakkersuisoqarfik:

Pinngortitamut, Avatangiisinullu Naalakkersuisoqarfik

Siunertaq:

Avatangiisinut Pinngortitamullu Naalakkersuisoqarfiup Nuummi umiarsualiviup allineqarnissaanut VVM-imut qinnuteqaat tusarniaassutigissavaa.

Saqqummiunneqarfia:

19 decembari 15:04:00

Tusarniaanermi piffissaliussaq:

20 februari 16:00:00

Tusarniaanermi akissutit uunga nassiuteqquneqarput:

apn@nanoq.gl