Aatsitassat pillugit ingerlatallu tamatumunnga pingaarutillit pillugit inatsisartut inatsisaata nr. 7, 7. december 2009-imeersup allannguutissaanut siunnersuummut tusarniaaneq

Allaatigiuk:

Aatsitassat pillugit ingerlatallu tamatumunnga pingaarutillit pillugit inatsisartut inatsisaata allannguutissaanut siunnersuut.

Sammisaq:

Aatsitassat

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Siunertaq:

Aatsitassatigut suliniutini arlaqartuni innuttaasut peqataatinneqarnissaat, qanoq innuttaasut ajunngitsumik peqtaatinneqalersinnaanersut kiisalu qaqugukkut innuttaasut naammattumik piviusumillu peqataatinneqartutut taasariaqarnerat pillugit annertuumik oqallittoqarpoq.

Siunnersuut manna aqqutigalugu Naalakkersuisut aatsitassat pillugit inatsimmi innuttaasut piaarnerusumik akuutinneqartalernissaat kiisalu aatsitassatigut suliniutinut atatillugu suliniutit innuttaasunut ersarinnerulernissaat, tassa innuttaasut sutigut qaqugukkullu suliniutinut tunngatillugu isummertalernissaat siunertaralugit sinaakkutassanik aalajangersaanissaq kissaatigaat. Siunnersuutip matuma akuerineqarnissaata siunertaraa tusarniaasarnerit ingerlanneqartarnerisa ersarinnerulernissaat, kiisalu siunnersuut manna aqqutigalugu pisortat, suliffeqarfiit suliniutinik suliaqartut kiisalu innuttaasut tusarniaanermik ingerlatsinissap piareersarneqarneranik suliaqarnermik taamatullu tusarniaanermik ingerlatsisarnermik siuarsaavigineqarnissaat.

Saqqummiunneqarfia:

09 decembari 10:07:00

Tusarniaanermi piffissaliussaq:

22 januari 12:00:00

Tusarniaanermi akissutit uunga nassiuteqquneqarput:

isiin@nanoq.gl