Uunga siunnersuut: Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut Inatsisaata allanngortinnera pillugu Inatsisartut inatsisaat nr. xx, xx. xxx 2014-imeersoq

Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut Inatsisissaata allanngortinneqarnera pillugu inatsisissatut siunnersuummut missingiut pillugu tusarniaaneq

Tarnimikkut nappaatilinnik nammineersinnaajunnaarsitsineq allatigullu pinngitsaaliissummik iliuuseqarneq pillugu Inatsisartut Inatsisissaattut siunnersuut nr. 24, 3. december 2012-imeersumut allannguutissatut siunnersuut oqaaseqaatit ilanngullugit matumuuna tusarniutigalugu nassiunneqarpoq.

Naalakkersuisoqarfiup qinnuteqaatigissavaa inatsisissatut missingiummut oqaaseqaataasinnaasut piaarnerpaamik kingusinnerpaamillu ulloq 15. januar 2014 10:00 naalakkersuisoqarfiup tigoreersimassagai.
Oqaaseqaatit uunga nassiunneqassapput Peqqissutsimut Attaveqarnermullu Naalakkersuisoqarfik uunga abas@nanoq.gl

Inatsisissatut siunnersuummi siunertaavoq pisinnaatitaaffiup kredsdommerimiit Kalaallit Nunaanni Eqqartuussivimmut nuuneqarnissaa imatut pisoqarnerani:

Napparsimasunut siunnersortit napparsimasunut siunnersortinik allattuivinniittut pillugit naammagittaalliutinik aalajangiinerit.

Napparsimasunut siunnersortit napparsimasunut siunnersortinik allattuivinniinngitsunik siunnersortinngortitsineq.

Tarnimikkut Nappaatillit Maalaarutaannik Aalajangiisartut aalajangiineri pillugit maalaarutinik suliarinninneq.

Tamassuma saniatigut inatsisissatut siunnersuummi siunertaavoq Tarnimikkut Nappaatillit Maalaarutaannik Aalajangiisartut aalajangigaat pillugit maalaarutinik suliassanngortitsinermi piffissarititat ilanngunneqarnissaat.

Aammattaaq inatsisissatut siunnersuummi siunertaavoq immikkoortortaqarfiup pinngitsaaliinernik allattuivianut ilassuteqarneq peqatigitillugu napparsimasoq pillugu allattuivimmut ilanngussinissap pingaaruteqassusiata erseqqissarneqarnissaa.

Naggasiullugu siunnersuutigineqarpoq inatsimmi aalajangersakkat ataasiakkaat oqaasertaanik erseqqissaalluniluunniit allannguisoqassasoq.

Sammisaq:

Peqqinnissaq

Tusarniaanerup suunera:

Inatsisartut inatsisaat

Saqqummiunneqarfia:

16 decembari 15:23:00

Tusarniaanermi piffissaliussaq:

15 januari 10:00:00

Tusarniaanermi akissutit uunga nassiuteqquneqarput:

abas@nanoq.gl