Erngup nukinga pillugu Inatsisartut inatsisissaattut siunnersuutip tusarniaassutigineqarnerani allakkiaq

Allaatigiuk:

Siunnersuummi tunuliaqutaavoq Kalaallit Nunaanni inuussutissarsiornermi suliat angisuut piviusunngortinnissaannut atugassarititaasunut sinaakkusiussat pillugit Nassuiaat, 2012-imi upernaakkut ataatsimiinnermi, tamatumalu kingorna Inatsisartut aalajangiiffigisassaattut EM2012/113 saqqummiunneqartoq, tassanilu atugassarititaasunut piumasaqaatinullu sinaakkusiussat tunngavigalugit Alcoa Inc.-imut isumaqatiginninniarnernik ingerlatitseqqinnissamut Naalakkersuisut piginnaatinneqarput.

Nassuiaammi inatsisini atuuttuni naapertuutinngitsut arlallit tikkuarneqarput, tamatumalu saniatigut erngup nukinganik inuussutissarsiuteqarnermut aningaasaliisarnerit pilerinarnerulersinneqarnissaannut, aammalu inatsisip arlalitsigut qanoq iliorluni ersarissarneqarnissaanut inassuteqaatinik arlalinnik imaqarpoq.

Aalajangiiffigisassatut siunnersuutip UKA2012/113-ip akuerineqarnerani atugassarititaasunut sinaakkusiussat tunngavigalugit Alcoa Inc.-imut isumaqatiginninniarnernik ingerlatitseqqinnissamut Naalakkersuisut piginnaatinneqarput. Atugassarititaasunut sinaakkusiussat taakku arlalitsigut inatsimmik atuuttumik allannguinissamut pisariaqartitsiviupput, inatsisissatullu siunnersuummi matumani aamma taakku ilanngunneqarnissaat siunnerfiuvoq.

Sammisaq:

Silap pissusaa, nukissiuuteqarnerlu

Tusarniaanerup suunera:

Inatsisartut inatsisaat

Naalakkersuisoqarfik:

Pinngortitamut, Avatangiisinullu Naalakkersuisoqarfik

Saqqummiunneqarfia:

16 decembari 11:30:00

Tusarniaanermi piffissaliussaq:

17 januari 12:00:00

Tusarniaanermi akissutit uunga nassiuteqquneqarput:

apn@nanoq.gl; pnil@nanoq.gl