Una pillugu tusarniaaneq: Anartarfiit imakuinik imermillu errortuivikumik eqqaaneq pillugu Namminersorlutik Oqartussat nalunaarutissaannut missingersuut

Allaatigiuk:

Avatangiisinut immikkoortortaqarfik, Avatangiisinut Pinngortitamullu Naalakkersuisoqarfimmi matumuuna anartarfiit imakuinik imermillu errortuivikumik eqqaaneq pillugu nalunaarutissatut missingersuutip tusarniaassutigineqarnera nassiuppaa.

Imeq errortuivikoq pillugu nalunaarusiorluni sulineq ukiut arlallit matuma siornatigut DANCEA-mit tapersersorneqarluni aallartinneqarpoq. Nalunaarut pingaartumik imermut errortuivikumut tamarmiusumut maleruagassiornermi kommuninut sakkussatut isigineqassaaq.

Nalunaarusiami ilaatigut ukununnga aalajangersakkat aalajangersarneqarput:

- Kommunit imermut errortuivikumut pilersaarusiorneri.
- Imermik errortuivikumik kuuffeqarfinnut attaviliisussaatitaaneq
- Sermip ernganik, nunap ernganik, imermik tarajulimmik imermillu tarajoqanngitsumik kuutsitsinissamut akuersissutit.
- Akitsuutinik akiliisitsisarneq.
- Anartarfiit imaartakkat imaannik aammalu imermut errortuivikumut katersuiviit imaannik eqqaasarneq.

Nalunaarut Kalaallit Nunaanni inuiaqatigiinnut tamarmiusunut tunngatinneqarpoq, tassalu kommunini innuttaasunit nalinginnaasuniit suliffeqarfinnut.

Tusarniaanerup suunera:

Nalunaarut

Naalakkersuisoqarfik:

Pinngortitamut Avatangiisinullu Naalakkersuisoqarfik

Saqqummiunneqarfia:

03 decembari 12:37:00

Tusarniaanermi piffissaliussaq:

22 januari 00:00:00

Tusarniaanermi akissutit uunga nassiuteqquneqarput:

apn@nanoq.gl