Nuup eqqaani umiarsuarmi siorartarneq

Aallaqqaasiut
Sioqqanik, ujaraalunnik ujaraaqqanillu immap naqqanit katersinissaq pillugu Aatsitassanut Ikummatissanullu Pisortaqarfik kalaallit suliffeqarfiinit pingasunit qinnuteqaammik tigusaqarsimavoq. Katersinissat angallatinit siorartaatinit sukkut tamaana misiliilluni milluaasarnissaq qinnutigineqarput.

Qinnuteqaatit assigiissutigaat sumiiffiit Timmiannguit, Qooqqut aamma Qarajat Iluat. Sumiiffinni taakkunani katersinissamut utaqqiisaagallartumik akuersissutinik tunniussisoqarsimavoq. Akuersissutit ulloq 17. august 2012 atorunnaassapput.

Taakku saniatigut Eqaluit Paarliata eqqaani katersinissaq qinnuteqaatigineqarsimavoq. Sumiiffimmut tassunga akuersissummik tunniussisoqarsimanngilaq.

Sumiiffiit qinnuteqarfigineqarsimasut innuttaasunut immikkut soqutiginaateqartutut nalilerneqarpoq, sunngiffimmi atorneqartarmata.

Taamaammat sumiiffinni ingerlataqarniarluni qinnuteqaatit tamanut tusarniaassutigineqarput, akuersissutit sivitsorneqarsinnaanerat siunertaralugu, taamaassappat piumasaqaatit sakkortusineqarsinnaallutik.

Sumiiffiit aamma ingerlanniarlugit qinnuteqaatit pillugit nassuiaatit

Timmiannguit eqqaani aamma Qooqqut Nunap assinga takuarlugu tooruk

Kort_Timmiannguit og Qooqqut

Timmiannguit eqqaani aamma Qooqqut kangerluani Qooqqut eqqaani sioqqanik, ujaraalunnik ujaraaqqanillu katersinissat qinnutigineqarput. Katersinissamik qinnuteqaatit sumiiffinni nunap assingatigut takussutissami nalunaaqutsersimasuni ingerlanniarneqarput. Katersinermi suleriaaserineqassaaq angallatinit siorartaatinit sukkut tamaana milliuaasitsisarluni. Katersineq ingerlaqattaarluni pisassaaq imaluunniit milluaalluni itinerpaamik meterimik ataatsimik (1) appasitsigisumi.

Nationalt Center for Miljø og Energi (DCE) (avatangiisinut nukissiornermullu misissuiffik) naliliisimavoq eqaluit majortarfii eqqarsaatigalugit sumiiffimmi katersinerit kuuit paavanit minnerpaamik 500 meterisut ungasitsigisumi ingerlanneqassasut. Tamanna suliffeqarfinnut piumasaqaatitut ilanngullugu allanneqassaaq.

Akuersissut sivitsorneqassagaluarpat ukiup atuuttup naanissaata tungaanut atuutissaaq.

Qarajat iluat nunap assinga takuniarlugu tooruk

Qarajat Iluata qinnguani sioqqanik, ujaraalunnik ujaraaqqanillu katersinissat qinnutigineqarput. Katersinissamik qinnuteqaatit sumiiffinni nunap assingatigut takussutissami nalunaaqutsersimasuni ingerlanniarneqarput. Katersinermi suleriaaserineqassaaq angallatinit siorartaatinit sukkut tamaana milliuaasitsisarluni. Katersineq ingerlaqattaarluni pisassaaq imaluunniit milluaalluni itinerpaamik meterimik ataatsimik (1) appasitsigisumi.

Nationalt Center for Miljø og Energi (DCE) (avatangiisinut nukissiornermullu misissuiffik) naliliisimavoq eqaluit majortarfii eqqarsaatigalugit sumiiffimmi katersinerit kuuit paavanit minnerpaamik 500 meterisut ungasitsigisumi ingerlanneqassasut. Tamanna suliffeqarfinnut piumasaqaatitut ilanngullugu allanneqassaaq.

Akuersissut sivitsorneqassagaluarpat ukiup atuuttup naanissaata tungaanut atuutissaaq.

Eqaluit Paarliata nunap assinga takuarlugu tooruk

Eqaluit Paarliata qinnguani sioqqanik, ujaraalunnik ujaraaqqanillu katersinissat qinnutigineqarput. Katersinissamik qinnuteqaatit sumiiffinni nunap assingatigut takussutissami nalunaaqutsersimasuni ingerlanniarneqarput. Katersinermi suleriaaserineqassaaq angallatinit siorartaatinit sukkut tamaana milliuaasitsisarluni. Katersineq ingerlaqattaarluni pisassaaq imaluunniit milluaalluni itinerpaamik meterimik ataatsimik (1) appasitsigisumi.

Nationalt Center for Miljø og Energi (DCE) (avatangiisinut nukissiornermullu misissuiffik) naliliisimavoq eqaluit majortarfii eqqarsaatigalugit sumiiffimmi katersinerit kuuit paavanit minnerpaamik 500 meterisut ungasitsigisumi ingerlanneqassasut. Tamanna suliffeqarfinnut piumasaqaatitut ilanngullugu allanneqassaaq.

Akuersissut sivitsorneqassagaluarpat ukiup atuuttup naanissaata tungaanut atuutissaaq.

 

Tusarniaaneq manna tunngavigalugu tusarniaanermi akissutit tunngavigalugit sumiiffinni pingasuni ingerlatassatut qinnutigineqartut avatangiisit eqqarsaatigalguit illersorneqarsinnaasumik ingerlanneqarsinnaaneri siunertaralugu nalilerneqassapput.

Oqaaseqaat Nationalt Center for Miljø og Energi (DCE)-miit uani takuneqarsinnaavoq

Pisinnaatitsissummi tunngavigineqartut

Aatsitassanut Ikummatissanullu Pisortaqarfik Aatsitassat ingerlatallu tamakkununnga pingaaruteqartut pillugit Inatsisartut inatsisaat nr. 7, 7. december 2009-meersumi (aatsitassanut inatsit) pisinnaatitsissut aqqutigalugu suliffeqarfinnut aqqusinniornerni sanaartornernilu atortussanik assigisaannillu atugassaminnik katersisartunut naleqqussaaneq tigusimavaa, tassani isumannaallisaaneq, peqqissuneq avatangiisillu eqqarsaatigalugit. Naleqqussaaneq § 47 malillugu isumagineqarpoq.

Ӥ 47. Naalakkersuisut akuerisinnaavaat suliffeqarfiit beton-imik, beton-imit sulianik kiisalu ujaraaqqanik, ujaqqanik assigisaannillu Kalaallit Nunaanni aqqusinniornernut sanaartornernullu atugassanik assigisaannillu tunisassiortartut pilersuisartullu taama atugassanik aatsitassanik katersisinnaasut piiaasinnaallutillu, takukkilli imm. 2 aamma 4. Taama piiaanissaq pillugu pissutsit tamaasa pillugit Naalakkersuisut akuersissuteqarnerminni piumasaqaatinik aalajangersaasinnaapput. Piiaanissaq akuerineqarpat, piiaanissamut akuersissuteqarnani ingerlatsineqarsinnaavoq, akuersinermi piumasaqaatit allassimasut malillugit. Piiaaneq isumannaallisaaneq, peqqissuseq avatangiisillu eqqarsaatigalugit isumannaatsumik ingerlanneqassaaq.

Imm. 2. Imm. 1 malillugu sumiiffinni §§ 16 imaluunniit 33 malillugit akuersissuteqarfiusuni piiaaneq ingerlanneqassanngilaq, kiisalu § 39 malillugu nunap iluani ingerlatsinissamut akuersissutit ataqqillugit taamaallaat ingerlanneqarsinnaallutik.

Imm. 3. Suliffeqarfiit inatsisartut inatsisaata matuma atuutilernera sivikinnerpaamik ukiut marluk sioqqullugit imm. 1-imi piumasaqaatinik eqquutsitsisimasut ingerlatanillu taaneqartunik ingerlatsisimasut, imm. 1 malillugu akuersissummik tunineqarsinnaapput.

Imm. 4. Imm. 1-imi sammisassani taaneqartuni illoqarfinni nunaqarfinnilu nunaminertanik tunniussineq nunaminertanik atuisarneq pillugu inatsimmi malittarisassat malillugit kommunalbestyrelsimit nalunaarutigineqassaaq.”

Aatsitassanut Ikummatissanullu Pisortaqarfimmit akuersissuteqarnermi qinnuteqartoq oqartussanit allanit assingusumik akuersissuteqarnissaminut pinngitsoortitsinngilaq.

Inussiarnersumik inuulluaqqusillunga

Aatsitassanut Ikummatissanullu Aqutsisoqarfik 

Allaatigiuk:

Sioqqanik, ujaraalunnik ujaraaqqanillu immap naqqanit katersinissaq pillugu Aatsitassanut Ikummatissanullu Pisortaqarfik kalaallit suliffeqarfiinit pingasunit qinnuteqaammik tigusaqarsimavoq. Katersinissat angallatinit siorartaatinit sukkut tamaana misiliilluni milluaasarnissaq qinnutigineqarput

Sammisaq:

Aatsitassat

Tusarniaanerup suunera:

Avatangiisinik nalilersuinerit

Siunertaq:

Qinnuteqaat akuerineqarnissaa

Tusarniaanermi piffissaliussaq:

03 aggusti 12:00:00

Tusarniaanermi akissutit uunga nassiuteqquneqarput:

bmp@nanoq.gl