London Miningip misissueqqissaarnissaanik akuersissummut 2009/16 Isua, pillugu 2-nnik tusarniaasoqarpoq. Aappaa tassaavoq misissueqqissaarnissamik akuersissutip 2009/16-ip allineqarsinnaanissaanik tusarniaanneq, aappaanilu tassaallutik misissueqqissaarnissamik akuersissummi 2009/16-imi 2012-imi suliarineqartussatut qinnuteqaatit. Tusarniaanernut marlunnut taakkununnga piffissarititaasoq tassaavoq 7. marsi 2012.

London Mining Greenland A/S-ip misissueqqaarnissamut pisinnaatitaaneranut 2009/16-imut (Isua) tamanut ammasumik tusarniaaneq

London Mining Greenland A/S misissueqqissarnissaminut akuersissut nr. 2009/16-imut Qussuup qinnguaniit qummut Kuussuup tungaanut ingerlanneqarnissaat siunertaralugugu suliniutissanut assigiinngitsunut akersissummik qinnuteqarsimavoq*. Nunaminertaq pineqartoq Nuummiit kangimut avannamut 80 km miss. ungasissuseqarpoq. Suliniutissatut qinnutigineqartut misissueqqaarnermut atatatillugit isumagineqartussatut kissaatigineqarput. Taamatullu Isuata killingani saviminissanik piiaaffissap aallartinnissaanut maannamut qinnuteqartoqarsimanngilaq.

Suliniutissat qinnutigineqartut maannakkut tusarniaanissamut saqqummiunneqartut akuerineqassagaluarpata kingusinnerukkut piianissamut suut tunngavigalugit akuersissuteqartoqarsinnaaneranut sunniuteqartussaassanngilaq. Kingusinnerusukkut piiaanissamut qinnuteqartoqassappat qinnuteqaammut tunngasut taamatuttaaq tamanut ammasumik tusarniaanermi saqqummiunneqarumaarput.

Suliniutissatut qinnuteqaatigineqartuni najugaqarfigiitigalugit suliffissat pingasut qitiutinneqarput, tamarmik immikkut inunnut 80-it miss. inissaqartitsisussat. Taakkuninnga sanaartornissamut peqataatillugu sulinermut atatillugu aqqusernit 40 km miss. isorartussuseqartut, ujaqqerivissamik pilersitsinissaq, toqqorsiviliornissaq ikummatissanillu inissiivissaq, kiisalu Kuussua ikaarlugu ikaartarfissamik110 m-imik takissusilimmik pilersitsinissaq ilaapput. Suliniutit pineqartut arlaatigut siunissami piiaanissamik qinnuteqarnissamut qaffasinnerusumilu sanaartorsinnaanissamut atatillugu avatangiisinut nunallu sananeqaataanik misissuinissanut London Mining-imut oqilisaataasussaapput. Tamassuma saniatigut savimineqarfiup eqqaani pisuussutinik qillerinissat eqqarsaatigalugit piareersaanissaq aqutsinissarlu pitsanngorsarneqarsinnaassallutik.

London Mining Greenland A/S akuersissummik tunineqassappat suliniutit aallartitsinnagit nunaminertap pissutsimigut iluseqalerseqqinnissaanut aningaasanik sillimmatigisassanik akileeqqaartussaavoq. Aningaasat pineqartut ilaatigut ima pisoqartillugu akilerneqassapput: Inaarutaasumik pilersaarut naalakkersuinikkut akuerineqarsinnaanngippat piiaanissap aallartinngitsoornerani, imaluunniit suliffeqarfiup iluani arlaatigut aningaasaqarnikkut ajornartorsiortoqalissagaluarpat.

Naalisagaq teknik-imut attuumassuteqanngitsoq danskisut naqitaq aamma tuluttut kalaallisullu pigineqarpoq, tassanilu qaavatigut naalisagaq teknik-imut attuumassuteqanngitsoq tuluttut kalaallisullu naqitaq nassaarineqarsinnaalluni.

*) London Mining Greenland A/S misissueqqaarnissamut akuersissutaasoq nr. 2009/16 annertusiniarlugu qinnuteqarpoq, tamatumuunalu suliassatut qinnuteqaatigineqartut aallartikkusunneqarlutik. Akuersissummi misissueqqaarfissap
annertusinissaanik qinnuteqaat maannakkut suliarineqarpoq, taamatullu naalakkersuinikkut maannamut akuerineqarsimanani.
Suliassatut qinnuteqaatit aallartinneqassappata misissueqqaarnissamut akuersissummi 2009/16-imi misissuiffissatut akuerineqartup annertusinissaa naalakkersuinikkut akuereqqaartariaqarpoq.

London Mining Greenland A/S-ip misissueqqissaarnissamik akuersissutip 2009/16-ip (Isua) allineqarnissaanik qinnuteqaataata tamanut ammasumik tusarniaassutiginera

London Mining Greenland A/S-ip qinnutigaa misissueqqissaarnissamik akuersissutip 2009/16 (Isua) nunami pineqartumi allineqarnissaa. Akuersissummi nuna pineqartoq Qussummiit qinnutigineqartoq allineqassasoq Nuummiit 70 km-inik avannarpasinnerusumiippoq, avannamut kangimut kuussuup Kuussuata tungaanut. Misissueqqissaarnissamik akuersissut paasiuminartunngorlugu nunaminertamik tunniussinermut assersuunneqarsinnaavoq, tassalu killeqartorujussuarmik assaannarnik nassatarineqarsinnaasunik atortoqarluni nunap sananeqaataanik killeqartorujussuarmik missuinissamut periarfissaqarluni.Misissueqqissaarnermik ingerlataqavinnerit annerusut, soorlu qillerinerit, qaartiterinerit aalajaatsuusussanik allanillu
sanartornerit immikkut qinnuteqaatigineqarnissaat akuerineqarnissaallu pisortanit piumasaqaataavoq.

London Mining Greenland A/S saniatigut qinnuteqaammik immikkut nassiussaqarpoq qinnuteqaammik misissueqqissaarnissamik akuersissutip 2009/16-ip annertusineqarnissaanik tamaanilu suliarineqartussanik. annertusineqarnissaanik qinnuteqaat taanna Naalakkersuisunit akuerineqassagaluarpat. Suliarineqartussat qinnuteqaatigineqartut ilaatigut tassaapput tammaarsimasarfiit (camps) pingasut ikkussuunneri, nunami tamaani motoorillit atorlugit angalanerit, sulilluni atugassanik aqqusinniornerit aamma ikaartarfimmik ikaartarfiliorneq,

London Mining Greenland A/S-ip sulissutigaa Isuata nunataani saviminermik atuilersitsinissaq pisuussutinillu misissuinerit, tamakkununngalu atattillugu toqqammavissat nutaat pisariaqartinneqarput teknikkikkut atortut, uumasoqassutsimi pissutsit
pisussutillu allat misissussallugit.

 

Misissueqqissaarnissamut akuersissutip nr. 2009/16-ip (ISUA) allinissaa pillugu allakkiaq tusarniaassut 

Allaatigiuk:

London Miningip misissueqqissaarnissaanik akuersissummut 2009/16 Isua, pillugu 2-nnik tusarniaasoqarpoq. Aappaa tassaavoq misissueqqissaarnissamik akuersissutip 2009/16-ip allineqarsinnaanissaanik tusarniaanneq, aappaanilu tassaallutik misissueqqissaarnissamik akuersissummi 2009/16-imi 2012-imi suliarineqartussatut qinnuteqaatit. Tusarniaanernut marlunnut taakkununnga piffissarititaasoq tassaavoq 7. marsi 2012.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Siunertaq:

Suliniutissat qinnutigineqartut maannakkut tusarniaanissamut saqqummiunneqartut akuerineqassagaluarpata kingusinnerukkut piianissamut suut tunngavigalugit akuersissuteqartoqarsinnaaneranut sunniuteqartussaassanngilaq. Kingusinnerusukkut piiaanissamut qinnuteqartoqassappat qinnuteqaammut tunngasut taamatuttaaq tamanut ammasumik tusarniaanermi saqqummiunneqarumaarput.

Tusarniaanermi piffissaliussaq:

07 martsi 12:00:00

Tusarniaanermi akissutit uunga nassiuteqquneqarput:

bmp@nanoq.gl