Kisermaassusussaatitaalluni akuersissutip 2011/13-ip (”Pitu”) ataanni Kalaallit Nunaata kitaa avannaani 3D-inik sajuppillatsitsisarluni paasissutissanik katersinissamut pilersaarummut atatillugu tusarniaanermut akissuteqaatit tiguneqartut tamanut ammasumik saqqummiunneqarnerat


2011-imik maajip qaammataata ingerlanerani Capricorn Greenland Exploration 1 Ltd. (”Capricorn”) kisermaassisussaatitaalluni akuersissutip 2011/13-ip (“Pitu”) ataanni Kalaallit Nunaata kitaa avannaani 3D-inik sajuppillatsitsisarluni paasissutissanik katersinissamut pilersaarutip akuerineqarnissaanut qinnuteqaammik tunniussivoq. Qinnuteqaat avatangiisinut sunniutaasussanik nalilersuinermik imaqarpoq, taannalu piffissami maajip 18-ianiit – juunip 20-ianut 2011 tusarniaanermut nittartakkami tamanut tusarniaassutigalugu saqqummiunneqarpoq.

Avatangiisinut sunniutaasussanik nalilersuineq (”VVM”) aamma naalisaanerit tekniskiunngitsut ataani nassaarineqarsinnaapput.

Tusarniaanermut akissuteqaatit
VVM-imut tusarniaanermut akissuteqaatit 10-it tiguneqarput. Capricorn-ip tusarniaanermut akissuteqaatinut oqaaseqaatai, tusarniaanermut akissuteqaatit tamakkiisut, kiisalu naleqqussimatillugu Aatsitassanut Ikummatissanullu Pisortaqarfimmit oqaaseqaatit, link-ini matuma kingulianiittuni nassaarineqarsinnaapput.

Kalaallit Nunaata kitaa avannaani 3D-inik sajuppillatsitsisarluni paasissutissanik katersinissamut pilersaarutip akuerineqarnera
Capricorn Greenland Exploration 1 Ltd-ip kisermaassisussaatitaalluni akuersissutip nr. 2011/13-ip ataanni Kalaallit Nunaata kitaa avannaani 3D-inik sajuppillatsitsisarluni paasissutissanik katersinissamut qinnuteqaataa Aatsitassanut Ikummatissanullu Pisortaqarfiup akueraa. Katersinermi sumiiffik 1499 km2-isut annertussuseqartoq katersiffigineqarpoq aammalu piffissami 2011-imi septembarip 10-inganit aallartinneraniit – oktobarip qiteqqunneranut ingerlanneqarluni.

Allaatigiuk:

2011-imik maajip qaammataata ingerlanerani Capricorn Greenland Exploration 1 Ltd. (”Capricorn”) kisermaassisussaatitaalluni akuersissutip 2011/13-ip (“Pitu”) ataanni Kalaallit Nunaata kitaa avannaani 3D-inik sajuppillatsitsisarluni paasissutissanik katersinissamut pilersaarutip akuerineqarnissaanut qinnuteqaammik tunniussivoq. Qinnuteqaat avatangiisinut sunniutaasussanik nalilersuinermik imaqarpoq, taannalu piffissami maajip 18-ianiit – juunip 20-ianut 2011 tusarniaanermut nittartakkami tamanut tusarniaassutigalugu saqqummiunneqarpoq.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Siunertaq:

Qinnuteqaat akuerineqarnissaa

Tusarniaanermi piffissaliussaq:

20 juni 12:00:00

Tusarniaanermi akissutit uunga nassiuteqquneqarput:

bmp@nanoq.gl