Capricorn Greenland Exploration 1 ltd

Kisermaassusussaatitaalluni akuersissutip 2008/13-ip (”Saqqamiut”) aamma misissueqqaarnissamut akuersissutip 2008/47-ip ataanni Kalaallit Nunaata kujataani 3D-inik sajuppillatsitsisarluni paasissutissanik katersinissamut pilersaarummut atatillugu tusarniaanermut akissuteqaatit tiguneqartut tamanut ammasumik saqqummiunneqarnerat

2011-imik maajip qaammataata ingerlanerani Capricorn Greenland Exploration 1 Ltd. (”Capricorn”) kisermaassisussaatitaalluni akuersissutip 2008/13-ip (Saqqamiut) aamma misissueqqaarnissamut akuersissutip 2008/47-ip ataanni Kalaallit Nunaata kujataani 3D-inik sajuppillatsitsisarluni paasissutissanik katersinissamut pilersaarutip akuerineqarnissaanut qinnuteqaammik tunniussivoq. Qinnuteqaat avatangiisinut sunniutaasussanik nalilersuinermik imaqarpoq, taannalu piffissami 30. maj – 27. juni 2011 tusarniaanermut nittartakkami tamanut tusarniaassutigalugu saqqummiunneqarpoq.

Avatangiisinut sunniutaasussanik nalilersuineq (VVM) aamma naalisaanerit tekniskiunngitsut uani nassaarineqarsinnaapput:

VVM, Kalaallit Nunaata kujataa 3D-inik sajuppillatsitsisarneq, naalisaaneq tekniskiunngitsoq (kal)
VVM, Kalaallit Nunaata kujataa 3D-inik sajuppillatsitsisarneq, naalisaaneq tekniskiunngitsoq (tuluttut)

VVM, Kalaallit Nunaata kujataa 3D-inik sajuppillatsitsisarneq, inaarutaasoq (kal)
VVM, Kalaallit Nunaata kujataa 3D-inik sajuppillatsitsisarneq, inaarutaasoq (tuluttut)

Kalaallit Nunaata kujataani 3D-inik sajuppillatsitsisarluni paasissutissanik katersinissamut pilersaarutip akuerineqarnera
Kalaallit Nunaata kujataani sajuppillatsitsisarluni misissuinerit pineqartut annertuumik avatangiisinut sunniuteqarnavianngitsut DMU naliliivoq. Capricorn Greenland Exploration 1 Ltd-ip kisermaassisussaatitaalluni akuersissutip nr. 2008/13-ip aamma misissueqqaarnissamut akuersissutip 2008/47-ip ataanni Kalaallit Nunaata kujataani 3D-inik sajuppillatsitsisarluni paasissutissanik katersinissamut qinnuteqaataa Aatsitassanut Ikummatissanullu Pisortaqarfiup akueraa. Katersinermi sumiiffik 1490 km2-isut annertussuseqartoq katersiffigineqarpoq aammalu piffissami 2011-imi julip aallartinneraniit –augustip qiteqqunneranut/naalerneranut ingerlanneqarluni.

Katersinerup nalaani uumasunik alapernaarsuisussat marluk (MMSO’er – Marine Mammal and Seabird Observers) ilaatinneqassasut aammalu sajuppillatsitsisarnernit nipiliortitsinerup aallartinnissaa 60 minutsinik sioqqullugu imaani uumasunik miluumasumik qinerlernissaq ingerlanneqartassasoq, Atsitassanut Ikummatissanullu Pisortaqarfiup ilaatigut akuersissuteqarnissamut piumasaqaatigaa.

Aatsitassanut Ikummatissanullu Aqutsisoqarfiup Kalaallit Nunaata kujataani 3D-inik sajuppillatsitsisarnissanut akuersissuteqarnera (kal)

Aatsitassanut Ikummatissanullu Aqutsisoqarfiup Kalaallit Nunaata kujataani 3D-inik sajuppillatsitsisarnissanut akuersissuteqarnera (tuluttut) 

Allaatigiuk:

Kisermaassusussaatitaalluni akuersissutip 2008/13-ip (”Saqqamiut”) aamma misissueqqaarnissamut akuersissutip 2008/47-ip ataanni Kalaallit Nunaata kujataani 3D-inik sajuppillatsitsisarluni paasissutissanik katersinissamut pilersaarummut atatillugu tusarniaanermut akissuteqaatit tiguneqartut tamanut ammasumik saqqummiunneqarnerat

Sammisaq:

Aatsitassat

Tusarniaanerup suunera:

Avatangiisinik nalilersuinerit

Siunertaq:

Qinnuteqaat akuerineqarnissaa

Tusarniaanermi piffissaliussaq:

27 juni 00:00:00

Tusarniaanermi akissutit uunga nassiuteqquneqarput:

bmp@nanoq.gl