Naalakkersuisut Siulittaasuat Statsministeri ataatsimeeqatigissavaa

Naalakkersuisut Siulittaasuata Naalakkersuisoqarfia

Sivisussuseq: 8 Ullut

Qallunaat Nunaat

Naalakkersuisut Siulittaasuat, Múte Bourup Egede, januarip 10-anit Qallunaat Nunaannut angalassaaq. Angalanermi siunertaassalluni Statsminister Mette Frederiksen-imik ataatsimeeqateqarnissaq.

Múte Bourup Egede aamma Ataqqinartorsuup Dronning Margrethep ukiuni 50-ni Dronningiuneranut atatillugu nalliuttorsiorneranut peqataassaaq.

Taakkua sanatigut japanimiut Qallunaat Nunaanni aallartitaat, tuluit Qallunaat Nunaanni aallartitaat aammalu suleqatigisartakkanik ilaatigut ataatsimeeqateqassaaq.

Angalanermut paasissutissat pillugit attaveqarfissaq: Naalakkersuisut Siulittaasuata allattaa, Angutinnguaq Tittussen, emailia: Allatsit@nanoq.gl

(Namminersornerullutik Oqartussani sulisut angalasarneri sukateriffigineqaqqammerput, coronami pisut kingulliit peqqutigalugit. Taamaallaat angalanerit pisariaqavissut kinguartinneqarsinnaanngitsullu ingerlanneqassapput. Uani angalanermi covid-19-mut maleruaqqussutit malinneqaqqissaassapput).