Avannaata Kommuniani inuussutissarsiorneq takornariartitsinerlu pillugit innuttaasunik ataatsimiisitsineq

Inuussutissarsiornermut Naalakkersuisoqarfik

Sivisussuseq: 1 Ulloq

Ilulissat

Avannaata Kommuniani inuussutissarsiorneq takornariartitsinerlu pillugit Inuussutissarsiornermut Nukissiuuteqarnermullu Naalakkersuisoq, Aqqalu Jerimiassen innuttaasunik ataatsimiisitsissaaq

Innuttaasunik ataatsimiisitsineq Ilulissat katersortarfianni pissaaq marlunngorneq 4. september, nal. 19.00 – 21.00.
Innuttaasunik ataatsimiisitsinermi Inuussutissarsiornermut Nukissiuuteqarnermullu Naalakkersuisumut apeqquteqartoqarsinnaassaaq, aammalu kommunimi inuutissarsiorfiit takornariartitsinerillu qanoq ineriartortinneqarsinnaaneranut siunnersuuteqarfigineqarsinnaalluni.

Innuttaasunik ataatsimiisitsineq tassaavoq Naalakkersuisup Aqqalu Jerimiassenip kommuninut angalaqattaarnerata ilaa. Angalaffii kingulliit tassaasimapput Kommuneqarfik Sermersuup kangianiittortai, Tasiilaq, aamma Kommune Qeqertalimmi Aasiaat, maannakkullu Avannaata Kommuniani Ilulissat tullinnguuppoq. Angalaqattaarnermut siunertaq tassaavoq 2019-imi piareersimasussatut naatsorsuutigineqartumut takornariartitsinermut periusissiamut nutaamut najugarisanit siunnersuutinik pissarsinissaq. Tamatuma saniatigut kommunini ataasiakkaani inuutissarsiorfinni periarfissat sammisarinissaat Naalakkersuisup kissaatigaa.

Sapaatip akunnerini tullinnguuttuni angalaqattaarneq ingerlaqqissaaq, kommunillu sinneri tikeraarneqassapput.

Paasisaqarnerujumalluni attavissaq: Naalakkersuisoqarfimmi pisortaq Jørn Skov Nielsen, Inuussutissarsiornermut Nukissiuteqarnermullu Naalakkersuisoqarfik, tlf. +299 55 61 88, e-mail: jsn@nanoq.gl