Savalimmiuni pisortatingoortumik tikeraarneq

Sivisussuseq: 3 Ullut

Savalimmiut

Peqqissutsimut Nunat Avannarliit Suleqatigiinnerannullu Naalakkersuisoq Agathe Fontain 2.-4. maj pisortatigoortumik Savalimmiunut tikeraarpoq Poul Michelsen-ip Savalimmiuni nunanut allanut suleqatigiinnermullu Naalakkersuisumit qaaqquneqarluni. Suleqatigiinnermut Naalakkersuisut Ålandimit suleqataat Nina Fellman ilanngullugu qaaqquneqarpoq.

Nunat taakku pingasut Nunat Avannarliit Ministeriisa Siunnersuisoqatigiiffianni aallartitatut suleqatigiinneq 2012-imi isumaqatigiissutigineqartoq qanoq ineriartorteqqinneqarsinnaanersoq aaqqissuusseqqinermut Nunat Aannarliit Ministeriisa Siunnersuisoqatigiiffianni ingerlanneqartumut uiggiussatut oqallisigissavaat. Taassuma saniatigut ilisimatitsissutigineqassaaq Savalimmiut Nunat Avannarliit Ministeriisa Siunnersuisoqatigiiffianni ilaasortatut inissisimalernissaata malitseqartinneqarnera. Naalakkersuisoq Agathe Fontain-ip periarfissaq iluatsillugu aamma Savalimmiuni suleqatini Peqqinnissamut- Nunamullu Namminermut Naalakkersuisoq, Siri∂ Stenberg ataatsimeeqatigissavaa, tassani eqqartorneqassalluni immikkoortortaqarfiit arlallit akimorlugit suleqatigiinneq, pinarversaartitsineq imigassamillu atornerluineq.