Tusagassiortunut katersortitsineq

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik

Sivisussuseq: 1 Ulloq

Nuuk

Ilaqutariinnermut Inatsisinillu Atuutitsinermut Naalakkersuisoq Martha Lund Olsen aamma kommunini isumaginninnermi ataatsimiititalianut ilaasortat Anda Uldum, Naja Petersen, Mette Sofie Lerch aamma Stine Egede Nørbæk peqatigiillutik tusagassiortunik katersortitsiniarput

Kommunini isumaginninnermut ataatsimiititaliani ilaasortat isumaginninnermullu pisortat KANUKOKA-lu peqatigiisillugit aappassaanik isumaginninnermut inatsisinut tunngasunik pikkorissarneqarput ulluni 29.- 31. August 2014.

Pikkorissarneq siulleq ukioq manna januarimi ingerlanneqarpoq.

Uani pikkorissarnermi siusinaartumik pensionisialinnut innarluutilinnullu inatsisit sammineqarnerisa saniatigut aammattaaq ilaqutariinnut, innarluutilinnut, utoqqarnullu tunngasut suliniutit sammineqarput, kiisalu sulianik ingerlatsinerup qanoq pitsanngorsarsinnaanera, ilinniartitsinerit annertussaavigineqarnissaat, sivisuumik suliffeqarsimanngitsunut aammattaaq meeqqat angerlarsimaffiup avataanut inissinneqarsimasut  iliuusissatut pilersaarusiorfigineqartarnerannut tunngasut sammineqarput.

Ilaqutariinnermut Inatsisinillu Atuutitsinermut Naalakkersuisoq Martha Lund Olsen isumaginninnermilu ilaasortat peqatigalugit ataasinngornermi 1. september 2014 nal. 10.00 tusagassiortunik katersortitsissaaq Naalakkersuisut tusagassiortunik katersortitsivianni ingerlanneqassaaq.