Ilanngussaq 12: Nunanut allanut tunngasutigut sulianik aaqqissuussineq

Nunanut allanut sillimaniarnermullu suleqatigiissitamit akuerineqarpoq, januar 2002-mi.

Ilanngussaq una suleqatigiissitap suliat pillugit nalunaarutaanni nr. 4-mi allassimasut assigilluinnarpai.

Siulequt
Nunanut allanut sillimaniarnermullu tunngasunut suleqatigiissitap matumuuna suliat pillugit allattukkat 4 Kalaallit Nunaanni siunissami nunanut allanut sammisunut suliaqarnerup aaqqissuunneqarnissaanik imallit saqqummiuppai.

Suliami atortussat amerlanersaat katersugaapput Kalaallit Nunaanni naalakkersuisut allaffeqarfiisa assigiinngitsut ikiuunneratigut, aammalu maajimi 2001 suleqatigiissitap ulluni ataatsimiititsiffigisaanni nunanut allanut tunngasunut allaffik suleqatigalugu. Ataatsimiititsinermi tassani atorneqartut suleqatigiissitap katersorpai nalunaarummi nr. 5-mi.

Politikkimik sammisaqartut tungaanniit ukiuni kingulliunerusuni Kalaallit Nunaata nunanut allanut suleqatigiinnermi saqquminerunissaa assut pingaartitaavoq. suleqatigiissitap neriuutigaa allattukkat atortussallu katersukkat tamanut ammasumik oqallinnermi kajumissaataajumaartut ammattaaq Namminersorneq pillugu Isumalioqatigiissitat Kalaallit Nunaata nunanut allanut atassuteqarneranut ingerlatsinermik sulinerup aaqissuunnissaa qanoq iluseqassasoq oqaloqatigiissutigilerpassuk.

Finn Lynge
Siulittaasoq