Inatsisit tunngaviusut inatsisillu inuiannut tamanut tunngasut pillugit suleqatigiissitaq

ISUMALIOQATIGIISSITALIAT

Suleqatigiissitaliat Namminersornerullutik Oqartussat ullumikkut suliamik ingerlatsinermut tunngavigisaat inuiaqatigiinnullu ingerlatsinermut inissisimarngat nassuiaateqarfigissavaat, tassunga ilanngullugit naalagaaffiup Namminersornerullutik Oqartussallu akornanni aallartitanut apeqqutit - periarfissatullu aaqqissuussinerit suussusersineqarnissaat nassuiaaserneqarnissaallu, Naalagaaffeqatigiinnermi nammineq oqartussaalernissami namminersorlunilu oqartussaanermut kissaatigineqartut annertunerusumik akuersaarneqarnissaat.

Suleqatigiissitaliat suliassaqarfiit nassuiaateqarfigissavaat, tamatumani Namminersornerullutik Oqartussat suliassaqarfiit oqartussaaffeqarfii tigusimallugit, suli naalagaaffiup oqartusaaffeqarfii kiisalu suliassaqarfiit, oqartussaqarfiit assigiinngitsutigut Namminersornerullutik Oqartussat naalagaaffiullu akornanni aveqatigiiffigisaat.

Suleqatigiissitaliat namminersornerullu oqartussaaneq pillugu inatsisaata allannguuteqartinneqarnissaanut siunnersuutinik saqqummiussaqarsinnaapput, kiisalu suliassaqarfinni taaneqartuni naalagaaffiup namminersornerullutillu oqartussat akornanni aqutsinermut tunngaviusumillu isumaqatigiissutit allannguuteqartinneqartarnissaat.

Suliassaqarfinni allani tamani ataatsimiititaliap kaammattuutai tunngavigalugit suleqatigiissitaliap misissuiffigissavai inatsiseqartitsinermut, inatsisitigut inissisimanermut,inuiaat pisinnaatitaaffiinut isumaqatigiissutitigullu allannguutissat pisariaqartinneqarnersut imalunniit aallartissallugit kissaatigineqarnersut.

Suleqatigiissitaliaq nammineq suliassaqarfimmini ataatsimiititaliap pingaarunerusutut anguniagaasa naammassineqarsinnaanerannut takorluukkanik takussusiissaaq.

Takorluukkat saqqummiunneqartut aallaavigalugit taamatuttaaq suleqatigiissitaliap kaammattuuteqassaaq, ataatsimiititaliap isumaliutissavittut saqqummiussaasa siuarsarneqarnissaat.

Namminersorneq pillugu suleqatigissitaliap suliassaqarfimmini tamani eqqumaffiginiassavai, suleqatigiissitaliat allat suliaannut tunngatillugu akuutinneqartussat pisariaqarpallu uteqqiisarnerit.

Taamatuttaaq suleqatigiissitaliap Namminersornerullutik Oqartussani pisortaqarfiit pineqartut suliatik pillugit pisariaqarfiatigut ilisimatittassavaat.

Ataatsimiititaliamut nalunaarusiortarneq

Ataatsimiititaliap ataatsimiinnissaanut tamanut suleqatigiissitaliat suleqatigiissitaliap suliaasa killiffiinik nalunaarfigisassavai kiisalu apeqqutit ataatsimoortumik ataatsimiititaliap eqqarsaatersuutaanut isummernissaanullu saqqummiuttassallugit. Ataatsimiititaliaq ataatsimeereernerni sivikinnerpaamik sapaatit akunneri marluk qaangiutsinnagit allattoqarfik aqqutigalugu suleqatigiissitaliap ataatsimiinnissaanut pappiaqqanik nassiussaqartassaaq.