Suliassaqarfiit namminersornerup ataani tiguneqarsinnaanngitsut

Nunaat namminersortoq suli naalagaaffinngorsimassannginnami, taamaattumik naalagaaffeqatigiinneq tunngaviusumillu inatsimmi aaliangersakkat eqqarsaatigalugit Danmarkimi naalakkersuisut isumaqarput suliassaqarfiit ilaat naalagaaffimmi oqartussaasunit tigummiinnarneqartariaqartut.

Suliassaqarfit taakku ukuupput:

  • Naalakkersuinikkut aaqqissuussineq
  • Naalagaaffimmi innuttaassuseqarneq
  • Eqqartuussiviit Qullersaat
  • Nunanut allanut politikki
  • Sillimaniarnermut illersornissamullu politikki
  • Nunap aningaasaatai aningaasanullu politikki

Suliassaqarfiit taaneqartut paasisaqarfigilluarusukkukkit, namminersorneq pillugu inatsisissamut missingiutip nassuiaatitaani paasissutissanik amerlanerusunik ujaarlersinnaavutit. Inatsimmut missingiummut nassuiaatit isumaliutissiissummi atuarsinnaavatit.