Akiuussusertissimasut angalasinnaatitaanerat annertuneruvoq

Kalaalit Nunaannut nunatsinnilu angalanermi nalunaarut sivitsorneqassaaq, killilersuutillu annertusissapput, nalunaarut nutaaq 5. januarimiit 5. April 2022 ilanngullugu atuutissaaq.

Politikkikkut isummiussat nutaat akiuussuserneqarnissamut suli annerusumik kajumissaarinerupput. Akiuussusersimanngikkuit, nunatsinnilu angalallutit taava illoqarfinnut nunaqarfinnullu tikitannut ullut 14-nit angullugit mattussimagallartariaqassaatit.

Angalanermi malittarisassat

Angalanermut killerlersuutinut tunngatillugu ataani takusinnaavatit suut maluginiassanerlugit.

  1. Nunatsinnut angalanermut killilersuutit maanna atuuttut atuutiinnassapput. Imannak paasillugu nunatsinni najugallit misissortissapput kiisalu inuit tikittut nunatta avataaningaanneersut misissortissimassapput aamma akiuussuserneqarsimanissaat suli atuutissaaq. Kalaallit Nunaanni angallannermi piumasaqaatit uani atuarsinnaavatit

  2. Nunatsinni angallannikkut killilersuutit nalunaarusiami nutaami naleqqussarneqassapput. Imannak paasillugu maleruagassat massakkut imaapput:
  • Tamakkiisumik akiuussusertissimasut, siusinnerusukkullu tunillatsissimasut (sap.ak. 12 iluanni) aamma inuit marluk ataallugit ukiullit nunap iluini misissorteqqaanngikkaluarlutik killeqanngitsumik angalasinnaapput.

  • Inuit marlunniit qummut ukiullit tamakkiisumik akiuussusertissimanngitsut aallannginnermi illoqarfimmiit / nunaqarfimmiit tunillaassuuffiusuni imaluunnniit tunillaassuuffiunngitsuni misissortinneqaqqaassapput.
    • Akiuussusertissimanngikkuit misissorneqarnissamullu periarfissaqanngippat Covid-19-imik tunillatsissimannginnertik uppernarsarnissaata tungaanut mattusimagallassaatit. Tamanna tikinnermi misissortinnikkut uppernarsarneqarsinnaavoq imaluunniit ullut 14-it mattusimareernerup kingorna ersiuteqanngikkaanni
    • Akiuussusertissimanngitsutut illoqarfimmi / nunaqarfimmi tikitanni misissortissinnaanngikkuit ulluni 14-ni ersiuteqarnak mattusimagallassaatit.
    • Piumasaqaat Kalaallit nunaannut aqqusaaginnarlutik mikkallartunut allamut ingerlaqqiffimmukartunut atuutinngilaq
  • Angalanerup nalaani qanermut kiinnamulluunniit assiaquteqarnissamik piumasaqaatip attatiinnarnissaa. Imannak paasillugu angalanerup tamaat kikkut tamarmik kiinnamut assiaquteqasapput. Piumasaqaatini ilanngullugit eqqaaneqarsimanngitsut nalunaarusiami takuneqarsinnaapput.
  • Angallassisup qulaani taakkartorneqartut pillugit pisussaaffeqarnerata attatiinnarneqassaaq.

Nunatsinni angallanneq eqqarsaatigalugu malittarisassat uani atuarnerusinnaavatit

Kalaallit Nunaannut nunatsinnilu angallannermi nalunaarut tamakkerlugu uani atuarsinnaavat