Innuttaasut paasissutissanik nalunaaruteqarnissaminnut piffissaqarnerulissapput

Naalakkersuisut novembarip 11-anni 2021-mi aalajangerpaat, inuussutissarsiutigalugu aalisarnermi aamma nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaat allanngortinneqassasoq. Ukioq nalunaaruteqarnissamut piffissaliussaq decembarip aallaqqaataanut pisussaaluni.

Inuussutissarsiutigalugu aalisarnermi aamma nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaannik nr. 11, 1. august 2017-imeersumik annikitsumik aaqqiineruvoq.

Nalunaarut suliarineqarpoq innuttaasut paasissutissanik nalunaarutiginninnissaannut piffissaqarnerulernissaat aamma piffissaq ungasinnerusoq eqqarsaatigalugu paasissutissat pitsaassusiinik pitsaanerulersitsinissaq.

Nalunaarummi allannguutit

Nalunaaruteqarnissamut piffissaliussaq juulip aallaqqaataanit novemberip aallaqqaataanut allanngortinneqarpoq. Piffissaliussap novembarip aallataanut allanngortinneqartoq nalunaaruteqartussaatitaasunut pisariaqartumik kukkunersiuinermik ikiorneqarnissaminnut piffissaqarluarnerulissapput.

Uungalu nalunaartarneq http://www.businessingreenland.gl piunnaarluni uunga nalunaartoqartalissaaq sullissivik.gl

Annerusumik paasisarusukkuit Aalisarnermut Piniarnermullu Naalakkersuisoqarfik. E-mail: apn@nanoq.gl