Aalisariutinut immikkut pisassiissutit ataatsimoortutut aqunneqarallassapput

Naalakkersuisut novembarip 25-anni 2021-mi aalajangerput aqutsiveqarfinni Uum-maannami, Qeqertarsuup Tunuani Upernavimmillu aalisariutinut immikkut pisas-siissutit aalisariutinut pisassiissutitut ataatsimoortutut 2021-p naanissaata tungaa-nut aqunneqassasut.

Tamanna sinerissap qanittuani qaleralinniarneq pillugu Namminersorlutik Oqar-tussat nalunaarutaanni normu 46, 14. december 2020-meersumi § 5-imit immikkut akuersissuteqarluni aalajangiineruvoq.

Aqutsiveqarfinni pingasuni tamani aalisariutit ukiup sinnerani aalisarsinnaanissaat qulakkeerniarlugu aamma aalisariutinut TAC-p ilannginnissaa qulakkeerniarlugu Naalakkersuisut aalajangerput aqutsiveqarfinni pingasuni aalisariutit tamarmik 2021-p naanissaanut aalisarsinnaanissaannut ataatsimut pisassiissutinik pilersitsisoqas-sasoq.

Aqutsiveqarfinni pingasuni aalisariutinut pisassiissutit tamakkerlugit pisarineqar-tarnerat qaqutigoortorujussuuvoq, aamma qalerallit pillugit nalunaarummi paragraf 5-imit immikkut akuersissutigalugu  aqutsiveqarfinni pingasuni  aalisariutit tamarmik TAC tamarmiusoq ilanagu ukiup sinnerani allanngoranngitsumik pisassinneqarnis-saat qulakkeerneqassammat.

Attavigineqarsinnaasoq: Aalisarnermut Piniarnermullu Naalakkersuisoqarfik. E-mail: apn@nanoq.gl