Puigortunngorneq pillugu isumasioqatigiinnerup aappaa naggataalu

Puigortunngorneq pillugu isumasioqatigiinnerup ulluani kingullermi nipilersuutit atorlugit terapi aammalu inatsisit soqutiginaatillit sammisat ilagivaat.

Puigortunngorneq pillugu isumasioqatigiinnerup ulluani kingullermi nipilersorneq erinar-sornerlu puigortunngortunik sullissinermi kiisalu nipilersuutit atorlugit terapi sammineqar-put. Nipilersornerup timimut qanoq sunniuteqartarnera, puigortunngortup isumaanut aammalu avammut attaveqarnermut pissusilersuutinik pinaveersaartitsinermut sunniute-qarnera sammineqarpoq. Puigortunngortut pillugit inatsisit soqutiginaatillit immikkut sammineqarput. Puigortunngortut avammut attaveqarnermut pissusilersuutigisartagaasa aammalu sakkortuumik pissuseqarnerup qanoq passutarinissaanut puigortunngortunik sullissinermi saqqummiunneqarpoq. Puigortunngortut pillugit Kommuneqarfik Sermer-suumi ataqatigiissaarisut sulinertik pillugu naggasiillutik saqqummiussaqarput.

 

Isumasioqatigiinnermi peqataasut tassaapput kommunini utoqqaat illuini, paaqqutarin-ninnermi suliaqartut aammalu puigortunngortunut immikkoortortaqarfimmi immikkut ilisi-masaqarlutik sulisut. Isumasioqatigiinnermi peqataasut eqimattani sulipput, aammalu saqqummiussanut assigiinngitsunut atatillugu sungiusaatit assigiinngitsut aqqusaarlugit.

 

Puigortunngorneq pillugu isumasioqatigiinneq pillugu paasissutissat kiisalu videoliat naatsut Naalakkersuisut nittartagaanni takuneqarsinnaapput Isumaginninnermut, Suliso-qarnermut Nunamullu Namminermut Naalakkersuisoqarfiup ataani.


 

 

Attavigisassaq

Sukumiinerusumik paasissutissanik pissarsisoqarsinnaavoq Naalakkersuisumut allatsip Naja Lynge Petersenip e-mail: nlyp@nanoq.gl imaluunniit oqarasuaat +299 34 56 11 aqqutigalugu saaffiginninnikkut.