Umiatsiaararsortut qaammammut qaleralittassaat naleqqussaavigineqartut

Aqutsiveqarfimmi Qeqertarsuup Tunuani umiatsiaararsortut novembarimi qaleralittassaat naleqqussaavigineqarput.

Aalisarnermut Piniarnermullu Naalakkersuisoq novembarip 19-ianni 2021-mi aalajangerpoq aqutsiveqarfimmi Qeqertarsuup Tunuani umiatsiaararsortut qaammammut qaleralittassaat naleqqussaavigineqassasut, umiatsiaararsortunut qaleralittassiissutigineqartut nungulermata.

Qalerallit decembarimi pisarineqartussat ilaat 168 tonsit novembarimut nuunneqarput, taamaalilluni novembarimi qaleralittarineqartussat 253 tonsinit 421 tonsinngorput.

Taamaalilluni qaammatip naanissaanut qaleralinniartoqalersinnaassaaq.

Paasisaqarusukkuit Aalisarnermut Piniarnermullu Naalakkersuisoqarfimmut allassinnaavutit: apnn@nanoq.gl