Aqutsiveqarfiup Sisimiut-Maniitsup sineriaata qanittuani qaleralittassiissutit ilaneqarput

Naalakkersuisut novembarip 15-ianni 2021-mi aalajangerpaat aqutsiveqarfiup Sisimiut-Maniitsup sineriaata qanittuani qaleralittassiissutigineqartut 77 tonsinik ilaneqassasut.

Taamaalilluni aqutsiveqarfimmut qaleralittassiissutit katillutik 300 tonsiulerput. Immikkoortumut 46-mut 2021-mut qaleralittassiissutigineqartut 223 tonsiupput. Taakku ukiuni kingullerni pingasuni (2017, 2018 aamma 2019) pisaasartut agguarnerivaat. 2020-mi pisarineqartut 164 tonsiupput. Sisimiut-Maniitsumi 2021-mi novembarip 9-annut pisarineqartut katillugit 213 tonsiupput.

Pisassiissutigineqartunit 223 tonsiusunit pisarineqartut 96 procenteraat, naatsorsuutigineqarporlu ukioq naanngitsoq tamakkerlugit aalisarneqassasut.

Pingortitaleriffimmit ilisimatuussutsikkut siunnersuutigineqarpoq Sisimiut-Maniitsumi 2021-mi aalisarneqarsinnaasut 300 tonsit sinnerlugit pisarineqarnissaat inassutigineqanngilaq, piujuaannartitsineq tunngavigineqarmat. Naalakkersuisut kissaatigaat Sisimiut-Maniitsumi qaleralinniarneq ukiup naanissaanut akornusersorneqarani pissasoq.

Qaleralittassiissutigineqartut Pinngortitaleriffimmit ilisimatuussutsikkut siunnersuineq qaangernagu pisassiissutaapput. Aalisarneq unitsinneqassaaq pisassiissutigineqartut tamakkerlugit aalisarneqarsimaleriarpata, tamannalu KANUAANA-mit ilisimatitsissutigineqassaaq.

Annermik paasisaqarusukkuit APN-imut saaffiginnissaatit, e-mail: apn@nanoq.gl