Tamakkiisumik akiuussutissamik kapitissimasut Nuummiit tunillatsissimannginnermut uppernarsaateqaratik aallarsinnaalerput

Naalakkersuisut partiit siuttuisa isumasioqatigereerlugit, tamakkiisumik akiuussuserneqarsimasut coronamik tunillatsissimannginnermut uppernarsaammik takutitseqqaanngikkaluarlutik Nuummiit aallarsinnaanngortut aalajangiissutigaat.

Taamaattorli Nuummiit aallarusuttut allat coronamik tunillatsissimannginnermut uppernarsaateqarnissaat suli piumasaqaataavoq.

”Amerlasuunik tunillatsittoqarnera pissutigalugu misissuineq unamminartorsiorpoq. Tuniluunneq unitsissinnaaniassagatsigu, inuit tunillatsissimasunik qanillisimasut tunillatsissimasinnaanermillu ersiuteqartut siullertut sukkanerusumik pisariinnerusumillu misissorneqarnissaat qulakkeertariaqarparput. Taamaattumik nukiit atukkavut allanngortinnissaannut aalajangersimavugut” taama oqarpoq Peqqinnissamut Naalakkersuisoq Kirsten Fencker.

Naalakkersuisut aalajangiinerat kinguneraa coronamik misissortinnermi tunillatsissimannginnermut piumasaqaat, nalunaarutip atuuffiani inunnut tamakkiisumik akiuussusersimasunut immikkut ittumik akuersissutigineqarnerat nalunaarummi § 6, imm. 1 malillugu.

Naalakkersuisut pisut ataavartumik nalilersussavaat. Taamaattumillu isumasioqatigeereernerup kingorna killilersuutit aaqqiivigineqartarsinnaanerat pinngitsoorneqarsinnaanngilaq.