Avataasiortut 2022-mi pisassaasa TAC-at aalajangerneqarpoq

Avataasiortut 2022-mi pisassaasa TAC-at Naalakkersuisut novembarip 11-anni aalajangerpaat. Aalisakkanut ukununnga TAC-t aalajangerneqarlutik; qaleralinnut, saarullinnut, suluppaakkanut aamma pisarisuukkanut.

Tunumi qaleralittassanik siunnersuineq TAC-iliinerlu taamaalilluni 1.173 tonsinik ilaneqarput, Tunumi suluppaakkat pisarineqarnissaannut siunnersuineq TAC-iliinerlu akerlianik ikileriartut.

Naalagaaffiit sineriallit tassaasut Island, Savalimmiut aamma Kalaallit Nunaat isumaqatigiissuteqarput Irmingerip imartaani ukiuni pingasuni suluppaagarniartoqassanngitsoq.

Kujataata kitaani aamma Tunumi saarullinnut TAC 1.339 tonsinik ilaneqarpoq. Takuuk aqutsinermut pilersaarut.

2022-mut TAC atuarneqarsinnaavoq 2022-mut aalisagartassiissutit - Naalakkersuisut

Naalakkersuisut naatsorsuutigaat sinerissap qanittuani aalisakkanut TAC-iissaq Aalisarneq pillugu Siunnersuisoqatigiit novembarip naanerani tusarniarneqareerpata aalajangersaasoqassasoq.

Raajanut TAC-iissaq aamma tusarniaassutigineqarpoq naatsorsuutigineqarporlu novembarip naanerani aalajangersaavigineqassasoq.

 

Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl