Misissortissimanermut uppernarsaateqarnissaq 18. november 2021-mut kinguartikkallarpoq

12. november 2021 tusagassiortunik katersortitisinermi Nuummiit aallartussat tamakkiisumik kapitissimasariaqartut aammalu coronamut misissortinnermi annerpaamik 48 tiiminik pisoqaassusilimmik, imaluunniit piumasaqaatinut ilaatinneqanngitsut taamaattorli tunillatsissimannginnermut uppernarsaat 48 tiiminik pisoqaassusilimmik uppernarsaassasut saqqummiunneqarpoq. Teknikkikkut ajornatorsiurteqarneq pissutigalugu maannakkuugallartoq Peqqinnissaqarfiup coronamik tunillatsissimannginnermik uppernarsaammik nassiussinissaq qulakkeersinnaanngilaa.

Taamaattumik Nuummiit ilaasussanut coronamik misissortinnermi tunillatsissimannginnermut uppernarsaammik piumasaqaat sisamanngorneq 18. november tungaanut kinguartikkallarneqarpoq. Nuummiit aallartussat tamarmik suli aallannginnermi 48 tiiminik pisoqaassusilimmik misissortinnissamik suli akisussaaffigaat. Inunnut qulaani piumasaqaatinut atuutinneqanngitsut taamatuttaaq tamakkiisumik kapitissimanermut uppernarsaat suli atuuppoq.

Inuit tullinnguuttut uku Nuummiit aallalernermi tamakkiisumik akiuussusersimanissamut piumasaqaatinut ilaatinneqanngillat:
  1. Inuit Nuummiit angerlarniarlutik aallartut. 
  2. Inuit ilinniariarlutik aallartut.
  3. Inuit inuiaqatigiinni suliassaqartitaallutik angalasariaqartut.
  4. Inuit Covid-19-imut akiuussutissamik kapitinnissamut Nunatta Nakorsaaneqarfianit nalinginnaasumik innnersuunneqanngitsut. 
  5. Inuit 11-nik ukiullit ukiukinnerusulluunniit. 
  6. Sulisut tamanut angallassissummi pineqartumi aallartussanik atorneqartussanik sulisut.
  7. Inuit Nuummiit nunatta avataanut angalasussat nunatta iluani pisariaqanngitsumik uninngaffiunngitsumik aallartussat. 

Nalunaarut una toorlugu atuarsinnaavat.