Angallatit aqutsiveqarfimmi 47-mi tamani aalisarsinnaapput aamma ukiup tullianut siumoortumik pisassiissutinit aalisarsinnaapput

Angallatit qaleralinnik niiverutigineqarsinnaasunik pisassallit (IOK) aqutsiveqarfimmi 47-mi; Uummannami, Upernavimmi aamma Qeqertarsuup Tunuani qaleralittassatik 47-qarfimmi tamani aalisarsinnaavaat. Taamaasilluni angallataatilik suli pisassalik, kisiannili pisassat pisassiiviit arlaanni nungussimappata, taava pisassiivinni allani marluusuni  angallatip pisassaatini aqutsiveqarfimmi 47-qarfimmi arlaanni suli pisassaqarfiusumi  aalisarsinnaavai.

Aalisarsinnaanermut pisassiissutillu pillugit Nalunaarummi §7 malillugu pisassanik nunguutsisimasut aappaagumut pisassatik aalisarlugit ukioq taanna aallartissinnaavaat novembarip 15-ianiit. Annertussuseq aaliangersimasoq ukiumut pisassaniit sipportumik aalisarsimagaanni ukiup tulliani pisassaniit ilanngaatigineqassaaq. Siumoortumik pisassiissutinik aalisarniaraanni qinnuteqaat nassiunnaqassaaq Aalisarnermut Piniarnermullu Naalakkersuisoqarfimmut, aalisa@nanoq.gl.  

 

Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl