Kalaallit Nunaat Parisimi isumaqatigiissummut peqataalissaaq

Nutartigaq ulloq 3. november nal. 10.50

Ullumi COP26-imi Naalakkersuisut Siulittaasuat Múte B. Egedep Ministeriuneq Mette Frederiksen Kalaallit Nunaata aaqqissugaanut qaaqquaa.

Aaqqissuussami Naalakkersuisut Siulittaasuat Naalakkersuisut Parisimut isumaqatigiissummut ilanngunnissamut aalajangernerat malitsigisaanillu inuiaqatigiinnut atuuttunngortinneqarnissaa pillugu oqalugiarpoq, kingornalu allagaq Ministeriunermut tunniullugu.

Aaqqissuussami UNFCCC sinnerlugu aallartitaq, James Grabert, allakkamik tunniussinermut isiginnaartutut peqataavoq.

Allagaq qallunaatut tuluttullu allassimasoq uani kakkiussami atuarneqarsinnaavoq.

Aaqqissuussaq qulequtalik: ”Greenlandic High Level Event: Greenland Climate Policy announcement” pavilion-imi, State of Green-imi, piffimmi nal. 10.15 pivoq.

Sukumiinerusumik paasisaqarusukkaanni attaveqarfissaq: Birita í Dali, Immikkut Siunnersorti, Nunanut Allanut Naalakkersuisoqarfik, e-mail: bida@nanoq.gl